მარინა ფაილოძე

დაამთავრ თბილისის სახელმწიფო სამედიცინო უნივერსიტეტი 1977 წელს.

1977–2015 წწ. - ჩაჩავას კლინიკის მორფოლოგიური ლაბორატორიის მორფოლოგი; 2008 წლიდან - სადაზღვევო კომპანიების "მედიჰელფის", "გიდმედისა" და "გერმანული კლინიკის" ციტოლოგი; 2008 წლიდან - საქართველოს საპატრიარქოს წმინდა იოაკიმეს და ანას სახელობის სამედიცინო ცენტრის მორფოლოგიური განყოფილების ხელმძღვანელი; 2015 წლიდან - ღუდუშაურის ეროვნული სამედიცინო ცენტრის მორფოლოგი; 2018 წლიდან - თბილისის კლინიკური პათოლოგიის სამეცნიერო-პრაქტიკული ცენტრის მორფოლოგი; 2012 წლიდან მუშაობს ქირურგიის ეროვნულ ცენტრში გინეკოლოგიური მორფოლოგიის (ოპერაციული, ბიოფსიური, ციტოლოგიური), პლაცენტის პათოლოგიის და აბორტული (22 კვირამდე ვადით ნაყოფებში) ნაყოფების კვლევის მიმართულებით. 50–მდე სამეცნიერო შრომის ავტორი. ექიმი-პათოლოგანატომი, მედიცინის მეცნიერებათა დოქტორი (2006).

საკანდიდატო დისერტაციის თემა - "დროული ნაყოფის თირკმელზედა ჯირკვლების და პლაცენტის მორფო-ფუნქციური ცვლილებების კორელაციური კავშირი მწვავე და ქრონიკული ჰიპოქსიის პირობებში", დაიცვა 1989 წელს; სადოქტორო დისერტაციის თემა - "საკვერცხის ფოლიკულური აპარატის და ყვითელი სხეულის დისგენეზია საშვილოსნოს პროლიფერაციული მიომებით დაავადებულ რეპროდუქციული პერიოდის ქალებში", დაიცვა 2006 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.370; ქირურგიის ეროვნული ცენტრი: kirurgia.ge