ვასილ ჩალაძე

დაბადების ადგილი: სოფელი ნაკიეთი, ახლანდელი ონის მუნიციპალიტეტი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1939 წელს; მოსკოვის უმაღლესი პარტიული სკოლა 1941 წელს.

მალევე დაინიშნა ამავე ფაკულტეტის დეკანის მოადგილედ; დიდი სამამულო ომის დროს, 1941-1942 წლებში, მონაწილეობა მიიღო კარელიის ფრონტზე გერმანელი ფაშისტების წინააღმდეგ; 1942 წლის ივლისში საქართველოს კპ ცენტრალური კომიტეტის გადაწყვეტილებით კარელიის ფრონტიდან იგი გადმოიყვანეს ამიერკავკასიის ფრონტის განკარგულებაში ახალჩამოყალიბებულ ქართულ სამხედრო შენაერთებში, სადაც მონაწილეობა მიიღო ჩრდილოეთ კავკასიის ფრონტის ბრძოლებში - დივიზიის პოლიტგანყოფილების უფროსი ინსტრუქტორის, პოლკის კომისრის, პოლკის მეთაურის მოადგილის თანამდებობებზე; დიდი სამამულო ომის დამთავრების შემდეგ, 1946 წელს გადაიყვანეს რუსთავის ველზე ამიერკავკასიის მეტალურგიული კომბინატისა და ქიმიური ქარხნის მშენებლობასთან დაკავშირებით დანიშნეს ჯერ რუსთავის ქალაქკომის პროპაგანდისა და აგიტაციის განყოფილების გამგედ; 1951 წელს - ქალაქკომის მეორე მდივნად; 1952-1957წწ. - პირველ მდივნად; მალე ვასილ ჩალაძე დაწინაურდა საქართველოს კომპარტიის ცენტრალური კომიტეტის პასუხსაგებ თანამდებობაზე; ერთხანს იმუშავა შინაგან საქმეთა მინისტრის მოადგილედ, ხოლო ათეული წლების განმავლობაში - თბილისის საქალაქო საბჭოს აღმასკომის მდივნად; ბოლოს თბილისის ომის, შრომისა და შეიარაღებული ძალების ვეტერანთა საბჭოს ჩაუდგა სათავეში; სახელმწიფო და საზოგადო მოღვაწე, პოლკოვნიკი, თბილისის ომის, შრომისა და შეიარაღებული ძალების ვეტერანთა საბჭოს თავმჯდომარე.

წყარო: საქართველოს რესპუბლიკა. თბილისი, 2010. 18 მაისი, N91 (6457), 11 გვ.: Untitled-1 (nplg.gov.ge); P_5370.jpg (2033×3092) (nplg.gov.ge)

• 1997 - ვახტანგ გორგასლის III ხარისხის ორდენი
• რუსთავის საპატიო მოქალაქე