The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



აკაკი ბრეგაძე

აკაკი ბრეგაძე
დაბადების თარიღი:1 ივნისი, 1935
გარდაცვ. თარიღი:27 სექტემბერი, 2021  (86 წლის ასაკში)
კატეგორია:მთარგმნელი, ფილოლოგი

ბიოგრაფია

დაიბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1959 წელს.

1960 წელს მუშაობას იწყებს საბავშვო და ახალგაზრდობის ლიტერატურის სახელმწიფო გამომცემლობა "ნაკადულში";  თითქმის ნახევარი საუკუნეა, ემსახურება ქართული წიგნის გამოცემის საქმეს; დიდი ამაგი დასდო ცალკეული წიგნების თუ ბიბლიოთეკის გამოცემას, მათ შორის ქართული პოეზიის ჩვიდმეტტომეულს (იყო ამ გამოცემის უცვლელი რედაქტორი), ქართული მწერლობის ოცდაათტომეულს (ამ გამოცემის ერთ-ერთი ინიციატორი იყო); 1955 წლიდან ლიტერატურულ მოღვაწეობას იწყებს; ერთ-ერთმა პირველმა თარგმნა რუსი მწერლის ივანე ბუნინის ნაწარმოებები (მათ შორის "ლიკა" 1961 წელს); ასევე პირველმა თარგმნა შვედი მწერლის ავგუსტ სტრინდბერგის პიესები: "მამა" ("საბჭოთა ხელოვნება", 1984 წ.), "მოჩვენებათა სონატა" ("ცისკარი". 1990 წ.), "ფრეკენ იულია" ("თეატრი და ცხოვრება", 1991 წ.), ერიკ XIV. თარგმნა და დაბეჭდა ლევ ტოლსტოის, თ. დოსტოევსკის, ლ. ანდრეევის მოთხრობები;  ა. პუშკინის მთელი მხატვრული პროზა (1977 წ., 1983 წ., 2006 წ.). ა. ტოლსტოის ტრაგედია "გზანი წამებისანი" (1984-1985 წწ.), "ემიგრანტები" (1988 წ.), "ნევზოროვის თავგადასავალი" (1988 წ.), კობო აბეს "ქალი ქვიშაში", (1978 წ.), ქენძაბურო ოეს "დაგვიანებული ახალგაზრდობა", სელმა ლაგერლოფის "საგა იოსტა ბერლინგზე" (2007 წ.), ჩ. აიტმატოვის "საქონდაქრე" (2005 წ.), ბ. პასტერნაკის "ექიმი ჟივაგო" (2004 წ.), ა. დიუმას, ე. ოჟეშკოს, მ. სელიმოვიჩის, ჟ. ამადუს და სხვათა რომანები; 1989 წლის 10 აპრილს დატოვა კომპარტიის რიგები კომუნისტური რეჟიმის მიერ ამავე წლის 9 აპრილს რუსთაველის გამზირზე მთავრობის სახლის წინ ქართველი ხალხის მასობრივი ხოცვა-ჟლეტის გამო, ხოლო 1992 წელს მწერალთა კავშირის რიგები - მაშინდელ მწერალთა კავშირთან მისი მრწამსის შეუთავსებლობის გამო; ამ საუკუნის პირველ წლებში, როცა ათასი მიზეზის გამო დიდად შეყოვნდა საბავშვო წიგნების გამოცემა და ჩვენს ბავშვებს სულიერი საზრდო მოაკლდათ, თავისი ოჯახის წევრებთან ერთად პატრიოტულ-შემეცნებითი დამოუკიდებელი საბავშვო გაზეთის "ციცინათელას" გამოცემა ითავა (გაზეთი გამოდის 1995 წლის აგვისტოდან); 2000 წლიდან ბეჭდავს ასვე პატრიოტულ-შემეცნებითი კრებულების (საბავშვო წიგნების) სერიას, რომელსაც ჰქვია "საკითხავი ყმაწვილთათვის"; ამ სერიით გამოიცა 17 ტომი და განზრახული აქვს 30 ტომამდე შეავსოს გამოცემა; 2007 წელს წამოიწყო ურთულესი საქმე - გამოცემა ახალი მრავალტომეულისა, რომელსაც ჰქვია "მწიგნობრობა ქართული"; გამოცემა მოიცავს რამდენიმე მონაკვეთს. ესენია: 1. ხალხური სიტყვიერება, 2. სასულიერო მწერლობა, 3. საერო მწერლობა, 4. საისტორიო მწერლობა, 5. ფილოსოფიური მწერლობა, 6. სამართლის ძეგლები, 7. მემუარები, 8. სამოგზაურო მწერლობა; გამოსულია ექვსი ტომი.

წყარო: საბავშვო ლიტერატურის განვითარების ფონდი: fundlibo.blogspot.comfacebook.com

ჯილდოები, პრემიები და პრიზები

  • 2004 - ივანე მაჩაბლის სახელობის პრემია
    მთარგმნელობით მოღვაწეობაში გაწეული წვლილისათვის

ბიბლიოგრაფია

  • შენ ხარ ვენახი : ქართული პატრიოტული პოეზიის ანთოლოგია (რედაქტორი). - თბილისი, ციცინათელა, 2016. - 920გვ.. - ISBN: 9789941939495
  • ქართული ფული : ქართული ფულის ისტორია დასაბამიდან დღემდე / მედეა წოწელია (რედაქტორი). - თბილისი, ციცინათელა, 2015. - 68გვ.. - ISBN: 9789941936487
  • ნიკოფსიიდან დარუბანდამდე : საქართველოს შექმნის ისტორია / ბეჟან ხორავა (რედაქტორი). - თბილისი, ციცინათელა, 2015. - 60გვ.. - ISBN: 9789941936494
  • შეგონებანი : კრებული (რედაქტორი). - თბილისი, ციცინათელა, 2014. - 63გვ.. - ISBN: 9789941930072
  • არ გაიხაროს მტერმა ჩვენზედა! : საგმირო ზღაპრები (ავტორი). - თბილისი, ციცინათელა, 2006. - 97გვ.. - ISBN: 9994080148

გააზიარე: