კახა შარტავა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის კიბერნეტიკისა და გამოყენებითი მათემატიკის ფაკულტეტი.
1993-1994წწ. მუშაობდა საგარეო ეკონომიკურ ურთიერთობათა სახელმწიფო კომიტეტში მთავარ სპეციალისტად; 1994-1996წწ. იყო რუსეთის ფედერაციის საგარეო საქმეთა სამინისტროს დიპლომატიური აკადემიის ფილოსოფიისა და პოლიტოლოგიის კათედრის მსმენელი (საერთაშორისო ურთიერთობების სპეციალობა). 1996-2000 წლებში იყო რუსეთის ფედერაციაში საქართველოს საელჩოს კონფლიქტურ სიტუაციათა განყოფილების თანამშრომელი; არის მეორე რანგის დიპლომატი; 2002 წელს გახდა საზოგადოებრივი მოძრაობა "ფესვების" თანათავმჯდომარე; 2006 წლიდან არის პოლიტიკური გააერთიანება "ეროვნული ფორუმის" დამფუძნებელი და თავმჯდომარე; პარტიის პოლიტსაბჭოს წევრი; იყო საბრძოლო ხელოვნებათა კლუბ ჯიქის" მთავარი ინსტრუქტორი და ვიცე-პრეზიდენტი; ეროვნული ფორუმის ლიდერი. საქართველოს ეროვნული გმირის ჟიული შარტავას შვილი.

წყარო: სამოქალაქო კულტურის საერთაშორისო ცენტრი : ყველაფერი არჩევნების შესახებ: ivote.ge; მედიაჰოლდინგი "მეტრონომი" : metronome.ge