თამარ ბოკუჩავა

დაბადების ადგილი: ქ. თბილისი.

დაამთავრა შოთა რუსთაველის სახელობის თეატრალური ინსტიტუტის თეატრმცოდნეობის ფაკულტეტი თეატრის კრიტიკოსისა და ჟურნალისტის კვალიფიკაციით 1986 წელს; 1986-1989 წწ. სწავლობდა თბილისის სახელმწიფო უნივერსიტეტის ასპირანტურაში ესთეტიკის სპეციალობით; 2001-2003 წწ. აშშ-ის ქალაქ ითაკის კოლეჯის დრამის დეპარტამენტში გაიარა ღია საზოგადოების "ლექტორთა დახელოვნების პროგრამის" ( Faculty Development Program) სამი ეტაპი და დაასრულა პროგრამა სერტიფიკატით.

1989-1990 წწ. მუშაობდა თეატრალური კავშირის თეატრისა და კინოს პროპაგანდის ცენტრის რედაქტორად; 1990-2004  წწ. შოთა რუსთაველის სახელობის სახელმწიფო აკადემიური თეატრის ლიტერატურული ნაწილის რედაქტორია; 1994-1996 წწ. თანამშრომლობდა საქართველოს ტელევიზიის I არხთან, როგორც სატელევიზიო გადაცემათა ავტორი და წამყვანი; 1996-1997 წწ. იყო ფინანსთა სამინისტროს გაზეთ "ფინანსების" ხელოვნების განყოფილების გამგე; 2004-2006 წწ. შოთა რუსთაველის სახელობის სახელმწიფო აკადემიური თეატრის საზოგადოებასთან ურთიერთობის განყოფილების გამგე; 2006 წლიდან შეთავსებით მუშაობდა საზოგადოებრივ მაუწყებელში; 2008 წლის თებერვლიდან ახალგაზრდული მიმართულების პროდიუსერია, ხოლო 2008 წლის ივლისიდან 2010 წლის 1 აგვისტომდე საქართველოს საზოგადოებრივი მაუწყებელის გასართობი მიმართულების პროდიუსერი; 2006-2007წწ. თეატრისა და კინოს უნივერსიტეტის ასისტენტ-პროფესორი; 2007-2010 წწ. თეატრალური უნივერსიტეტის ასოცირებული პროფესორი; 01.12.2010- დან გარდაცვალებამდე იყო შოთა რუსთაველის სახელობის თეატრისა და კინოს უნივერსიტეტის სრული პროფესორი მსოფლიო თეატრის მიმართულებით; 2012-2019 წწ.- უნივერსიტეტის ჰუმანიტარულ, სოციალურ მეცნიერებათა, ბიზნესისა და მართვის ფაკულტეტის სადისერტაციო საბჭოს თავმჯდომარე; 2011 წლიდან- OISTAT –ის საერთაშორისო განათლების კომიტეტის წევრი, საქართველოს ნაციონალური ცენტრის წარმომადგენელი; ვალერიან გუნიას სახელობის თეატრალურ ხელოვანთა ახალგაზრდული კავშირის - YTA UNION- OISTAT – ის საქართველოს ნაციონალური ცენტრის ექსპერტთა საბჭოს წევრი, განათლების კომისიის თავმჯდომარე; 2013 წ. - კულტურისა და ძეგლთა დაცვის სამინისტროს კულტურის პოლიტიკისა და სტრატეგიის შემუშავების  დროებითი კომისიის წევრი, "საქართველოს კულტურის პოლიტიკის კონცეფციის" ექსპერტი; 2014წ . განათლებისა და მეცნიერების სამინისტრო, მეცნიერ-ექსპერტი; 2015 წ. "რუსთაველის ფონდის" მეცნიერ-ექსპერტი; ახალგაზრდა კინემატოგრაფისტთა ფესტივალ "სესილის" ჟიურის თავჯდომარე (2004); სტუდენტთა საერთაშორისო ფესტივალ "დებიუტის" ჟიურის წევრი (2005); YTA UNION-ის კონკურსის "თანამედროვე ქართული სცენოგრაფიული სკოლა პრაღის საერთაშორისო კვადრიენალეზე PQ11" ჟიურის წევრი (2011); თეატრალური პრემია "დურუჯის" ჟიურის წევრი (2013/2014 სეზონი); გამოქვეყნებული აქვს 90-მდე სამეცნიერო ნაშრომი, საგაზეთო და საჟურნალო სტატია, რეცენზია, წერილები. წლის საუკეთესო რეცენზიისთვის მიღებული აქვს საქართველოს თეატრალური კავშირის 3 პრემია (1987, 1997, 2003). თეატრმცოდნე.

სადისერტაციო თემა -  "მითოსი და ქართული თეატრი", დაიცვა 2006 წელს.

• 2019 - ვალერიან გუნიას სახელობის პრემია
  თეატრალური საზოგადოების ჯილდო - საუკეთესო პუბლიკაციისათვის

• მითოსი და ქართული თეატრი = Mythos and the Georgian Theatre (ავტორი). - თბილისი, კენტავრი, 2020. - 200გვ.. - ISBN: 9789941970665
• მსოფლიო თეატრის ისტორია : სახელმძღვანელო (თანაავტორი) // წ. 1, უძველესი და ანტიკური თეატრი. - თბილისი, კენტავრი, 2018. - 312გვ.. - ISBN: 9789941957277
• მსოფლიო თეატრის ისტორია : სახელმძღვანელო (თანაავტორი) // წ. 2, V-XVIII საუკუნეების მსოფლიო თეატრი. - თბილისი, კენტავრი, 2018. - 510გვ.. - ISBN: 9789941957291