ზურაბ აბესაძე

დაბადების ადგილი: ქ. მცხეთა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო ობიექტების მშენებელი ინჟინრის სპეციალობით 1972 წელს.

1972-1974წწ. მსახურობდა სამხედრო არმიის რიგებში; 1974 წელს დაიწყო მუშაობა საქართველოს სამინისტროს №2 სამშენებლო ტრესტის 5 სამშენებლო სამმართველოში (შემდგომ მოძრავ მექანიზირებული კოლონა №70) ჯერ ტექნიკური განყოფილების ინჟინრად, მშენებლობის ოსტატად, სამუშაოთა მწარმოებლად და მთავარ ინჟინრად; 1982 წლიდან დაინიშნა აღნიშნული სამსახურის უფროსად; 1995 წლიდან 2013 წლამდე იყო შ.პ.ს. "მშენებლის" დირექტორი; 2013-2017წწ. მცხეთის მუნიციპალიტეტის გამგებელი; მცხეთის მერის კონსულტანტი, სივრცითი მოწყობისა და მშენებლობის საკითხებში; წლების მანძილზე მონაწილეობდა კულტურულ-საყოფაცხოვრებო და საბინაო ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.35-36