ნუგზარ არდაზიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტი, წყალმომარაგებისა და წყალარინების სპეციალობით 1982 წელს; აშშ ვაჭრობის სამინისტროს არსებული "SABIT"-ის საქმიანი სტაჟირების სპეციალური პროგრამა "წყლის რესურსების მართვა" და გარემოს მართვის სისტემის დანერგვა; გაიარა ბავარიის (გერმანია) გარემოს მართვის სააგენტოს კურსი "კანალიზაციის მართვა და სასმელი წყლის მიწოდება" 2015 წელს.

1982-1995წწ. მუშაობდა სახელმწიფო საპროექტო-საძიებო ინსტიტუტ "საქსახკომუნმშენპროექტში" ინჟინრად, უფროს ინჟინრად, პროექტის მთავარ ინჟინრად; 1995-2000წწ. მუშაობდა საპროექტო ორგანიზაცია "სოფლმშენტოპოგეოძიებაკომპლექსში" მთავარი ინჟინრის თანამდებობაზე; 2000 წლიდან მის მიერ დაფუძნებული საპროექტო ფირმა "მუნიციპალპროექტის" დირექტორია; მისი უშუალო მონაწილეობითა და ხელმძღვანელობით, ზემოხსენებულ საპროექტო ორგანიზაციებში მუშაობის პერიოდში შესრულებულია მრავალი წყალმომარაგებისა და წყალარინების მნიშვნელოვანი ობიექტების საპროექტო სამუშაოები, მათ შორის აღსანიშნავია: ფასანაურის, ქარელისა და თიანეთის საკანალიზაციო სისტემების პროექტი (1998), ქ. ბათუმისა და ქ. ქობულეთის სანიაღვრე კანალიზაციის ქსელების განვითარების პროექტი (2012), ქ. ქუთაისის წყალმომარაგების სათავე ნაგებობებისა და სარეზერვუარო მეურნეობის რეაბილიტაციის პროექტი (2009), გერმანული ფირმა "KOCKS"-თან ერთად ქ. ქუთაისის, ქ. ფოთის, ქ. ზუგდიდის, ქ. მარნეულის, კურორტების "ანაკლია-განმუხურისა" და "ურეკი-შეკვეთილის" სრული წყალმომარაგება-კანალიზაციის პროექტი (2015), კასპის რაიონის სოფლების: დოესის, მეტეხის, ნიაბის, სასირეთისა და ყარაჯალას სამელიორაციო სისტემების რეაბილიტაციის პროექტი (2013) და სხვა; აქვს ექსპერტის სტატუსი წყალმომარაგებისა და წყალარინების სფეროში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.46-47