ვახტანგ ლომინაძე

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტი 1941 წელს.

1941-1945წწ. მუშაობდა თბილისის ტრამვაი-ტროლეიბუსების სამმართველოში ელექტრომემონტაჟედ, დისპეტჩერად, მთავარ მექანიკოსად; 1942-1945წწ. თბილისის N5 რკინიგზის სასწავლებელში; 1945-1947წწ. სწავლობდა ასპირანტურაში; 1947 წელს მუშაობდა საქართველოს პოლიტექნიკურ ინსტიტუტში ელმანქანების კათედრაზე; საკანდიდატო დისერტაცია დაიცვა 1953 წელს; 1975 წელს არჩეული იყო პროფესორის თანამდებობაზე; 1979 წლიდან სიცოცხლის ბოლომდე მუშაობდა ელმანქანების კათედრის გამგედ; მისი ინიციატივით და ხელმძღვანელობით თბილისის ს.გ. "ელექტროაპარატში" შეიქმნა კათედრის ფილიალი, რამაც შუწყო ხელი სპეციალისტთა მომზადების ხარისხის გაუმჯობესებას; გამოსცა 4 ტექნიკური სახელმძღვანელო; მისი ხელმძღვანელობით დისერტაცია დაიცვა ბევრმა ასპირანტმა და მაძიებელმა; შექმნა ასინქრონული და სინქრონული მანქანების ორმხრივი ასიმეტრული რეჟიმების ზოგადი თეორია; მის მიერ შემოთავაზებული არასიმეტრიული მანქანის ანალიზის მეთოდის საფუძველზე შექმნილი იქნა ასინქრონული ფაზის გამხლეჩის თეორია, რამაც პრაქტიკული რეალიზაცია ჰპოვა ცვლადი დენის ელმავალებზე; მეცნიერული კვლევები მიუძღვნა კონუსურ როტორიანი სამუხრუჭო ასინქრონული ძრავების შესწავლას; ელმანქანების გაანგარიშების მის მიერ შექმნილი მეთოდიკით დაპროექტდა და აიგო ჩარხების ამძრავის საცდელი პარტია; იყო საქართველოს პოლიტექნიკური ინსტიტუტის სამეცნიერო საბჭოს წევრი, განათლების სამინისტროსა და ინსტიტუტის სარედქციო საბჭოების წევრი, საქართველოს მეცნიერულტექნიკური პროგრესის პროგრამის შემდგენი კომისიის წევრი და სხვ.; დაჯილდოებული იყო მედლებით. ტექნიკურ მეცნიერებათა კანდიდატი (1954), პროფესორი (1986).

წყარო: საქართველოს ენერგეტიკოსები, ტ.2. - თბ., 2010. - გვ.198

• საქართველოს უმაღლესი სკოლის დამსახურებული მუშაკი

• ელექტრული მანქანები (ავტორი) // ნაწ. 4. - თბილისი, სპი-ს სტ., 1983. - 130გვ.
• ელექტრული მანქანები (ავტორი) // ნაწ. 3. - თბილისი, საქ. პოლიტექნ. ინ-ტის გამოც., 1981. - 95გვ.
• ელექტრული მანქანები (ავტორი) // ნაწ. 2. - თბილისი, საქ. პოლიტექნ. ინ-ტი, 1979. - 134გვ.
• ელექტრული მანქანები : დამხმ. სახელმძღვ. სპეცკურსში (ავტორი) // ნაწ. 1. - თბილისი, 1978. - 108გვ.