ნანა ახვლედიანი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი, არქიტექტურის სპეციალობით 1979 წელს.

1980-1993წწ. მუშაობა დაიწყო სახელმწიფო საპროექტო ინსტიტუტ "თბილქალაქპროექტში" არქიტექტორად, წამყვან არქიტექტორად; 1992 წლიდან ასწავლის თბილისის სამხატვრო აკადემიაში; 2004 წელს მიენიჭა დოცენტის სამეცნიერო-პედაგოგიური წოდება არქიტექტურის სპეციალობით; არის არქიტექტურის ფაკულტეტის ასოცირებული პროფესორი; 2014 წელს საქართველოს ტექნიკური უნივერსიტეტის არქიტექტურის, ურბანისტიკისა და დიზაინის კათედრაზე დაიცვა სადოქტორო დისერტაცია თემაზე - "საქართველოს ბალნეოლოგიური კურორტების ქალაქთმშენებლობითი განვითარების ტენდეციები" და მიენიჭა არქიტექტურის დოქტორის აკადემიური ხარისხი; გამოქვეყნებული აქვს სამეცნიერო ნაშრომები და სტატიაბი; არის მრავალი საერთაშორისო კონფერენციის, სიმპოზიუმის, გამოფენის, ფორუმისა და კონკურსის მონაწილე; 1985 წელს არქიტექტურის საერთაშორისო კონკურსში გაიმარჯვა და ლაურეატის წოდება მიენიჭა; ავტორია 30-მდე ინდივიდუალური პროექტის, მათ შორის: გაერთიანება "თბილგვირაბმშენის" საერთო საცხოვრებელი, ქ. თბილისში, ყვარლის ქუჩაზე; სასტუმრო "ვერე პალასი", ქ. თბილისში, ნიკოლაძის ქუჩაზე; საცხოვრებელი სახლი ქ. თბილისში, ქეთევან წამებულის ქუჩაზე; ნავთობკორპორაცია "სოკარის" საოფისე შენობის რეკონსტრუქცია, აჭარის ავტონომიური რესპუბლიკის მინისტრთა საბჭოს შენობის რეკონსტრუქცია, ქ. ბათუმში; მრავალფუნქციური საცხოვრებელი კომპლექსი ქ. თბილისში, ი. ჭავჭავაძის გამზირის №29 და სხვა; აშშ-ს ქ. ბოსტონის არქიტექტორთა ასოციაციის მიწვევით ინყოფებოდა ჰარვარდისა და სხვა ცნობილ არქიტექტურულ ინსტიტუტებში, სადაც წაიკითხა ლექციები საქართველოს არქიტექტურასა და ხელოვნებაზე.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.53-54

• საერთაშორისო ასოციაცია "ქალები აშენებენ მსოფლიოს", წევრი
• საქართველოს არქიტექტორთა კავშირი, გამგეობის წევრი (2008-)
• საქართველოს არქიტექტორთა კავშირი, წევრი (1986-)
• სსრკ არქიტექტორთა კავშირი, წევრი

• არქიტექტურა დროსა და ადამიანებს შორის გადებული ხიდი = Architecture building bridges between people and times (თანაავტორი). - თბილისი, 2019. - 104გვ.
• არქიტექტურა დროსა და ადამიანებს შორის გადებული ხიდი = Architecture building bridges between people and times (თანაავტორი). - თბილისი, 2017. - 108გვ.. - ISBN: 9789941097911