ქრისტინე ხარშილაძე

დაბადების ადგილი: სოფელი ნიგვზარა, საჩხერის მუნიციპალიტეტი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1949 წელს.

1942 წლის 13 აპრილს სტუდენტი ქ. ხარშილაძე საკუთარი განცხადების საფუძველზე მოხალისედ წავიდა ფრონტზე, ჩარიცხეს 415-ე საზენიტო-საარტილერიო პოლკში პროჟექტორისტად; მონაწილეობდა მრავალი ქალაქისა და დასახლებული პუნქტის განმათავისუფლებელ ბრძოლებში: დნეპროპეტროვსკის, დნეპროძერჟინსკის, ნიჟნი-დნეპროვსკის, იასინოვატის, ზაპოროჟიეს, ჩაპლინოს და სხვ.; იცავდა მდინარე დნეპრზე მდებარე ხიდს, რომელზეც გადიოდა ერთ-ერთი მნიშვნელოვანი სარკინიგზო ლიანდაგი; 1945 წლის მარტში 415-ე საზენიტო-საარტილერიო პოლკთან ერთად იბრძოდა პოლონეთში, ქ. ბრესლაუს გათავისუფლებისთვის, სადაც ერთ-ერთი საჰაერო თავდასხმის დროს მძიმედ დაიჭრა; გამოჯანმრთელების შემდეგ კვლავ დაუბრუნდა ნაწილს და განაგრძო ბრძოლა ქ. ბრესლაუს დაუფლებისთვის; ომის დასრულების შემდგომ სწავლა განაგრძო თბილისის სახელმწიფო უნივერსიტეტში; სწავლის დასრულებისთანავე მუშაობა დაიწყო საჩხერის რაიონის სოფელ კორბოულის საშუალო სკოლაში, ფიზიკა-მათემატიკის მასწავლებლად; ძირითადად მაღალ კლასებში მიჰყავდა მათემატიკის სწავლება; მისი ღია გაკვეთილები სანიმუშო და მრავალმხრივ საყურადღებო იყო; ახასიათებდნენ როგორც საგნის ღრმად მცოდნეს, დიდად პასუხისმგებლიანს და სწავლების მოწინავე მეთოდებით აღჭურვილს, რომელიც მოსწავლეებს ასწავლიდა საგანს, ხოლო ახალგაზრდა პედაგოგებს - სწავლების ხერხებსა და მეთოდებს; მიღებული აქვს უმაღლესი მთავარსარდლის - ი. ბ. სტალინის მადლობა ქალაქ ბრესლაუს დაუფლებისათვის ბრძოლებში ბრწყინვალე საბრძოლო მოქმედებებისათვის (7 მაისი, 1945); სიგელი დიდი სამამულო ომის დღეებში ჰაერსაწინააღმდეგო თავდაცვით ბრძოლებში მიღწეული წარმატებებისთვის (1945) და სხვა საბძოლო მედლები; უფროსი მასწავლებლის წოდება (1984); 2015 წელს საქართველოს განათლებისა და მეცნიერების სამინისტროს მიერ საჩხერის მუნიციპალიტეტის, სოფელ კორბოულის №1 საჯარო სკოლას ქრისტინე ხარშილაძის სახელი მიენიჭა.

წყარო: "თბილისიდან ბრესლაუმდე" : ნარკვევი ქრისტინე (ნინა) ხარშილაძის საბრძოლო გზისა და საზ. მოღვაწეობის შესახებ / რევაზ მაჭარაშვილი.-თბ.,2012.-239გვ. (dspace.nplg.gov.ge)

• 2003 - ღირსების ორდენი
• 1986 - ხალხთა მეგობრობის ორდენი
• 1985 - სამამულო ომის I ხარისხის ორდენი
• 1976 - შრომის ვეტერანის მედალი
  მრავალწლიანი კეთილსინდისიერი მუშაობისთვის
• 1975 - საქართველოს დამსახურებული მასწავლებელი
• 1971 - საპატიო ნიშნის ორდენი
• 1945 - მედალი "1941-1945 წლებში დიდ სამამულო ომში გერმანიაზე გამარჯვებისთვის"
• 1944 - მედალი "კავკასიის დაცვისთვის"