გურამ ახობაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი, არქიტექტურის სპეციალობით 1972 წელს.

1972 წელს მუშაობა დაიწყო სახელმწიფო საპროექტო ინსტიტუტ "თბილქალაქპროექტის" №1 არქიტექტურულ სახელოსნოში, არქიტექტორის თანამდებობაზე; 1973 წელს გადაყვანილ იქნა უფროსი არქიტექტორის თანამდებობაზე; 1978 წელს დაინიშნა არქიტექტურული ჯგუფის ხელმძრვანელად; 1981 წელს გადაყვანილ იქნა დისპეჩერიზაციის სექტორის უფროსად; 1994 წელს დაინიშნა საგარეო ეკონომიკურ ურთიერთობათა სამმართველო "დონატორის" საფინანსო ინსპექციის უფროსად; 2001 წელს გადაყვანილ იქნა შემოქმედებითი სტუდია №13-ის უფროსად, სადაც მუშაობდა 2010 წლამდე; მისი უშუალო მონაწილეობითა და ხელმძღვანელობით დაპროექტებულ იქნა მრავალი კულტურულ-საგანმანათლებლო და საზოგადოებრივი დანიშნულების ობიექტი, მათ შორის: პროფსასწავლებლის კომპლექსი 720 მოსწავლეზე ქ. თბილისში (ავჭალაში), მილიციის, პროკურატურისა და სასამართლოს ადმინისტრაციული შენობა გლდანის მიკრორაიონში, თბილისის საქალაქო სასამართლოს შენობა და თითქმის ყველა სასამართლოს შენობა და თითქმის ყველა სასამართლოს შენობის რეკონსტრუქცია-რეგენერაცია საქართველოს რეგიონებში, ქ. თბილისის მოსწავლე-ახალგაზრდობის სასახლის რეკონსტრუქცია-რეგენერაცია; დამუშავებულ იქნა 9 სართულიანი, მსხვილბლოკიანი საცხოვრებელი სახლის ტიპური პროექტი; ასევე, მიწისძვრის შედეგად დაზიანებული საცხოვრებელი სახლებისა და შენობების გამაგრების სამუშაოების პროექტები დმანისისა და საჩხერის რაიონებში, ქ. თბილისში და რაჭის რეგიონში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.54-55