თეა გოგოტიშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორიის მუსიკისმცოდნეობის ფაკულტეტი 1991 წელს; დ. უზნაძის სახელობის თბილისის ფსიქოლოგიის სასწავლო ინსტიტუტი ფსიქოლოგ-ფსიქოთერაპევტის სპეციალობით 2001 წელს. ფსიქოლოგიის დოქტორი (2006), პროფესორი, ევროპული - EAGT აკრედიტაციის მფლობელი (2015), EAP სერტიფიცირებული (2018) გეშტალტ ფსიქოთერაპევტია.

იგი ფსიქოთერაპიის კვლევის საერთაშორისო საზოგადოების SPR სრული წევრია (2018); დიმიტრი ნადირაშვილთან ერთად დააარსა საქართველო - კავკასიაში პირველი "საქართველოს ეროვნული გეშტალტ ინსტიტუტი" (2011), რომელიც რეგიონული მასშტაბით ერთადერთი, ევროპაში - EAGT აკრედიტებული გეშტალტთერაპიის სასწავლო ინსტიტუტია (2019); თეა გოგოტიშვილი, ევროპაში - EAGT აკრედიტებული გეშტალტ ინსტიტუტთა საბჭოს (TIC) აქტიური წევრია (2018); იგი თავმჯდომარეობს EAGT ქოლგა-ორგანიზაციის - საქართველოს გეშტალტთერაპევტთა ეროვნული ასოციაციის  სასწავლო სტანდარტების და პროფესიული კომპეტენციების კომიტეტს (2020); ხელმძღვანელობს დიმიტრი უზნაძის სახ. ფსიქოლოგიის სასწავლო-საკონსულტაციო ცენტრს (2009) და სრული პროფესორის თანამდებობა უკავია  წმ. ანდრია პირველწოდებულის სახელობის ქართულ უნივერსიტეტში; დიმიტრი ნადირაშვილთან ერთად დაწერილი და გამოცემული აქვს სახელმძღვანელო "გეშტალტთერაპიის თეორია და პრაქტიკა" (2018); ისინი ერთად მუშაობენ განწყობის თეორიისა და გეშტალტთერაპიის სამეცნიერო-პრაქტიკულ ინტეგრაციაზე; ევროპელების მოწვევით, სხვადასხვა ქვეყნებში ატარებენ ლექციებს, საავტორო ვორქშოფებს და საერთაშორისო ასპარეზზე გააქვთ ქართული ფსიქოლოგიური სკოლის მიღწევები. 2001 წლიდან 2011 წლის 4 ივლისამდე მუშაობდა დ. უზნაძის სახ. ფსიქოლოგიის ინსტიტუტის კლინიკური ფსიქოლოგიის განყოფილებაში -  ნაციონალური მოძრაობის მიერ განწყობის ფსიქოლოგიური სკოლის ფაქტობრივ ლიკვიდაციამდე. არის 4 წიგნის და რეფერირებად სამეცნიერო ჟურნალებში გამოქვეყნებული 30-ზე მეტი სტატიის ავტორი. მისი კვლევის სფეროებია: განწყობის ფსიქოლოგია და ფსიქოთერაპია; იგი ახორციელებს ფსიქოკონსულტირებას და ფსიქოთერაპიას პირისპირ და ონლაინ, ინდივიდუალურად, ჯგუფებთან, წყვილებთან, ოჯახებთან და ორგანიზაციებთან; მუშაობს როგორც ქართულ, ასევე ინგლისურ და რუსულ ენებზე.

• გეშტალტთერაპია = Gestalt therapy : თეორია და ტექნიკა (თანაავტორი). - თბილისი, მწიგნობარი, 2018. - 328გვ.. - ISBN: 9789941473364
• ოჯახი და შვილების აღზრდა : ფსიქოლოგიური რეკომენდაციები (ავტორი). - თბილისი. - 152გვ.. - ISBN: 9789941060922

• სამსახური
  საქართველოს ეროვნული გეშტალტ ინსტიტუტი

  მისამართი:	ქ. თბილისი, ვალო იაშვილის 22
  ტელეფონი:	032 292 03 36
  ელ.ფოსტა:
  ვებ საიტი:	http://gestalt.ge/?fbclid=IwAR15dS7s4RE3cGedVh_WZS-YaacWSI_byy5S3JfFPH0VZB4GA00MDthhI04