რევაზ ბასარია

დაბადების ადგილი: ქ. გალი.

დაამთავრა მოსკოვის საფინანსო ინსტიტუტი 1956 წელს; სკკპ ცკ-თან არსებული უმაღლესი  პარტიული სკოლა - 1968 წელს.

1957-1959წწ. - სსრკ სახელმწიფო ბანკის სისტემა; 1959-1966წწ.  და 1968-1976წწ. – საქართველოს კპ ცკ-ში საქმეთა მმართველობის ინსტრუქტორ-კონტროლიორი, ინსტრუქტორი, განყოფილების გამგის მოადგილე; 1976-1991წწ. - რესპუბლიკის სტატისტიკის სამსახურის ხელმძღვანელი; 1996-2005წწ. - საქართველოს ფინანსთა სამინისტროსთან არსებული ფინანსების სამეცნიერო-კვლევითი ინსტიტუტის დირექტორის მოადგილე და დირექტორი; 2005-2019წწ. - სოხუმის სახელმწიფო უნივერსიტეტის ასოცირებული პროფესორი. გამოქვეყნებული აქვს 90-ზე მეტი  ნაშრომი, 3 მონოგრაფია და 1 სახელმძღვანელო. მისი კვლევის ობიექტია ეკონომიკური თეორიის, გადასახადების, სტატისტიკის თეორიულ-პრაქტიკული ხასიათის პრობლემები. პირველად საქართველოს რეალობაში მან ფართოდ გამოიკვლია საბჭოური ეკონომიკისათვის დამახასიათებელი მონოპოლიზმი, საზოგადოებრივი მენტალიტეტი და საბაზრო ურთიერთობებზე გადასვლა, მესაკუთრეული პასუხისმგებლობა და სახელმწიფო საკუთრება. მიღებული აქვს სახელმწიფო ჯილდოები. ორჯერ იყო არჩეული საქართველოს რესპუბლიკის უმაღლესი საბჭოს დეპუტატად. ეკონომიკის მეცნიერებათა დოქტორი (1994), პროფესორი.

სადოქტორო დისერტაციის თემა - "საბაზრო ეკონომიკაზე გარდამავალი პერიოდის საფინანსო-ეკონომიკური პრობლემები", დაიცვა 1994 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.518-519; სოხუმის სახელმწიფო უნივერსიტეტი: sou.edu.ge

• საქართველოს ეკონომიკურ მეცნიერებათა აკადემია, წევრი

• საპატიო ნიშნის ორდენი
• ხალხთა მეგობრობის ორდენი
• საქართველოს დამსახურებული ეკონომისტი

• საქართველოს საგადასახადო სისტემის სრულყოფის საკითხები (თანაავტორი). - თბილისი, "ფინანსები", 2001. - 99გვ.
• ეკონომიკური თეორიის საფუძვლები (ავტორი). - თბილისი, თბილისის საფინანსო-ეკონ. აკადემია, 1996. - 352გვ.
• გარდამავალი პერიოდის მაკროეკონომიკური პრობლემები (თანაავტორი). - თბილისი, 1995. - 326გვ.
• საბაზრო ეკონომიკა: ეკონომიკსი, მენეჯმენტი, მარკეტინგი, ბიზნესი : ლექსიკონი-ცნობარი (თანაავტორი). - თბილისი, საქართველო, 1993. - 216გვ.