დავით ბაქრაძე

დაბადების ადგილი: სოფელი კურსები, ტყიბულის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1981 წელს.

1981-1983წწ. მუშაობდა ქ. თბილისის საქალაქო საბჭოს აღმასრულებელი კომიტეტის დაქვემდებარებაში არსებული სამშენებლო ტრესტ "ინჟმშენი"-ს ინჟინრად; 1983-1987წწ. მუშაობდა საქართველოს მშენებლობის სამინისტროს საწარმოო-სამშენებლო გაერთიანება "თბილქალაქმშენი"-ს სისტემაში უფროს სამუშაოთა მწარმოებლად; 1988-1992წწ. მუშაობდა საქართველოს სასოფლო მშენებლობის სამინისტროს №54 მოძრავ-მექანიზირებული კოლონის მთავარ ინჟინრად; 1993-1996წწ. მუშაობდა ქ. მოსკოვში, სამშენებლო ფირმა "ნანა"-ს დირექტორად; მისი უშუალო მონაწილეობითა და ხელმძრვანელობით აშენებულ იქნა მრავალი საქალაქო ინფრასტრუქტურული, სასოფლო-სამეურნეო, საყოფაცხოვრებო და საზოგადოებრივი დანიშნულების ობიექტი; მათ შორის: სასტუმრო "სიმპათიას" შენობა, სამედიცინო ცენტრი "ულტრამედი", საცხოვრებელი კომპლექსი ნოვოსლობოდსკაიას ქუჩაზე ქ. მოსკოვში, ასევე რუსულ-გერმანული ერთობლივი საწარმოს საოფისე შენობა და სხვა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

 წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.61-62

• საქართველოს დამსახურებული მშენებელი