ზურაბ ბერაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1956 წელს.

უმაღლესი სასწავლებლის დამთავრების შემდეგ, შრომითი საქმიანობა დაიწყო, სახელმწიფო კომისიის განაწილების შესაბამისად, ქ. ჟდანოვის (ამჟამად ქ. მარიუპოლი) ერთ-ერთ სამშენებლო ორგანიზაციაში სამუშაოთა მწარმოებლად; საქართველოში დაბრუნების შემდეგ, 1958 წელს მუშაობა დაიწყო სახელმწიფო საპროექტო ინსტიტუტში "საქსახსოფლპროექტი" -ინჟინერ-კონსტრუქტორად; 1966 წელს სამუშაოდ გადავიდა საკავშირო საპროექტო-ტექნოლოგიური ინსტიტუტის "ორგენერგომშენი"-ს თბილისის ფილიალში, არქიტექტურულ-სამშენებლო განყოფილების უფროსად; მისი უშუალო მონაწილეობითა და ხელმძღვანელობით დაპროექტებულ იქნა სამრეწველო-სამანქანათმშენებლო გაერთიანება "ურალმაში"-ს მთელი რიგი მნიშვნელოვანი ობიექტები; დამუშავდა მთელი რიგი ობიექტების საპროექტო დოკუმენტაცია ჩრდილოეთ კავკასიის რეგიონისთვის და ენგურის ჰესების კასკადის საცხოვრებელი კომპლექსისათვის; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.66