ავთანდილ სულაბერიძე

დაამთავრა თბილისის სახელმწიფო უნივერსიტეტის ეკონომიკის ფაკულტეტი შრომის ეკონომიკის სპეციალობით 1974 წელს; საქართველოს მეცნიერებათა აკადემიის ეკონომიკისა და სამართლის ინსტიტუტის ასპირანტურა - 1982 წელს.

1974-1976წწ. - თბილისის სახელმწიფო უნივერსიტეტის დამნაშავეობის სოციოლოგიის ლაბორატორია, ლაბორანტი; 1976-1978წწ. - საქართველოს სახელმწიფო საგეგმო კომიტეტთან არსებული სახალხო მეურნეობის ეკონომიკის, დაგეგმვისა და მართვის სამეცნიერო-კვლევით ინსტიტუტი, უმცროს მეცნიერ-მუშაკი; 1978-198 წწ. - საქართველოს მეცნიერებათა აკადემიის ეკონომიკისა და სამართლის ინსტიტუტის სოციოლოგიისა და დემოგრაფიის განყოფილება, უმცროსი, შემდეგ უფროს მეცნიერ-მუშაკი; 1986-1990წწ. - საქართველოს მეცნიერებათა აკადემიის ეკონომიკისა და სამართლის ინსტიტუტის სოციოლოგიისა და დემოგრაფიის განყოფილების გამგე; 1990-1991წწ. - საქართველოს მეცნიერებათა აკადემიის ეკონომიკისა და სამართლის ინსტიტუტთან არსებულ სოციოლოგიისა და დემოგრაფიის სამეცნიერო-კვლევითი ცენტრის დირექტორის მოადგილე მეცნიერული მუშაობის დარგში; 1991-2006წწ. - საქართველოს მეცნიერებათა აკადემიის დემოგრაფიისა და სოციოლოგიური კვლევის ინსტიტუტის დირექტორის მოადგილე მეცნიერული მუშაობის დარგში; 2006-2010წწ. - საქართველოს განათლებისა და მეცნიერების სამინისტროს დემოგრაფიისა და სოციოლოგიის ინსტიტუტის დირექტორი; 2010 წლიდან - ილიას სახელმწიფო უნივესიტეტის დემოგრაფიისა და სოციოლოგიის ინსტიტუტის დირექტორი. სამეცნიერო ნაშრომების ავტორი. მეცნიერული მოღვაწეობის სფერო: დემოგრაფია, დემოგრაფიკსი, ოჯახის სოციოლოგია, სოციალურ-დემოგრაფიული და საოჯახო პოლიტიკა, მიგრაცია. ეკონომისტი, დემოგრაფი, ეკონომიკის მეცნიერებათა დოქტორი (2003).

სადოქტორო დისერტაციის თემა - "საქართველოს დემოგრაფიული განვითარება და სოციალურ-დემოგრაფიული პოლიტიკა გარდამავალ პერიოდში", დაიცვა 2003 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.534-535; საქართველოს მეცნიერებათა ეროვნული აკადემია: science.org.ge

• ევროპის მოსახლეობის შესწავლის საერთაშორისო ასოციაცია ( EAPS) , წევრი (2012-)
• მოსახლეობის მეცნიერული კვლევის საერთაშორისო კავშირი (IUSSP) (2010-)
• საქართველოს დემოგრაფიული საზოგადოება, ვიცე-პრეზიდენტი, პრეზიდენტი (1991-2010)
• საქართველოს ეკოლოგიურ მეცნიერებათა აკადემია, აკადემიკოსი (1999-)
• საქართველოს ეკონომიკურ მეცნიერებათა აკადემია, აკადემიკოსი (2004-)

• 2002 - ღირსების ორდენი

• მოსახლეობის მიგრაციის აქტუალური პრობლემები საქართველოში : მონოგრაფია (თანაავტორი). - თბილისი, ზენაარი, 2018. - 302გვ.. - ISBN: 9789941960185
• ოჯახის სოციოლოგიის საფუძვლები : სახელმძღვანელო (შემდგენელი). - თბილისი, ზენაარი, 2018. - 240გვ.. - ISBN: 9789941960147
• საქართველოს დემოგრაფიული მოდერნიზაცია : მონოგრაფია (ავტორი) // ნაწ. 1 (XX საუკუნე) . - თბილისი, ზენაარი, 2018. - 136გვ. . - ISBN: 9789941960178
• დემოგრაფია : სახელმძღვანელო (შემდგენელი). - თბილისი, ი. ჭავჭავაძის სახელმწ. უნ-ტის სტ., 2009. - 392გვ. . - ISBN: 9789941015243
• ფიქრები ქართულ ოჯახსა და დემოგრაფიაზე (ავტორი). - თბილისი, საქ. განათლ. და მეცნ. სამინ. დემოგრაფიისა და სოციოლოგიის ინ-ტი, 2007. - 470გვ.. - ISBN: 9789994069101
• საქართველოს სსრ მთიანეთის დემოგრაფიული განვითარების პრობლემები (ავტორი). - თბილისი, მეცნიერება, 1986. - 126გვ.