მერაბ ბეროშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1979 წელს.

ინსტიტუტის დამთავრების შემდეგ გაწვეული იყო საბჭოთა არმიის რიგებში სავალდებულო სამხედრო სამსახურში, სადაც ხელმძღვანელობდა სამშენებლო ქვედანაყოფს, ოფიცრის რანგში; 1982 წლიდან იყო პარტიულ სამუშაოზე; მუშაობდა საქართველოს კპ ქ. თბილისის ლენინის სახელობის რაიონული კომიტეტის საორგანიზაციო განყოფილებაში ინსტრუქტორად და კურირებდა მშენებლობის სფეროს; რაიონული კომიტეტის რეკომენდაციით დაინიშნა საქართველოს მშენებლობის სამინისტროს სამშენებლო გაერთიანება "თბილქალაქმშენი"-ს №4 სამშენებლო კომბინატის მთავარ ინჟინრად; 2000 წლიდან მუშაობდა სპს "იმკ 91"-ში სამუშაოთა მწარმოებლად, უფროს სამუშაოთა მწარმოებლად (უბნის უფროსად); მისი უშუალო მონაწილეობითა და ხელმძრვანელობით განხორციელებულ იქნა მრავალი საცხოვრებელი სახლის მშენებლობა ქ. თბილისის საცხოვრებელ მიკრორაიონებში, ვაშლიჯვრის დასახლებაში და ქავთარაძის ქუჩაზე; ასევე ოპტიკურ-ბოჭკოვანი კავშირგაბმულობის კომპანია "მაგთი"-ს სტუდიის მშენებლობა დ. აღმაშენებლის გამზირზე ქ. თბილისში და ამავე კომპანიის სარელეო ანძების მშენებლობა საქართველოს მთელ ტერიტორიაზე; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.69