რიმიკო გურგენიძე

დაბადების ადგილი: სოფელი ხოტევი, ამბროლაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1958 წელს.

1959-1978წწ. მუშაობდა ქ. თბილისის საქალაქო საბჭოს აღმასკომის სპეციალური სამუშაოების სამშენებლო ტრესტ "ინჟმშენში" ინჟინრად, უფროს ინჟინრად, განყოფილების უფროსად, მთავარი ინჟინრის მოადგილედ; 1978-1982წწ. იყო საქართველოს სასოფლო მშენებლობის სამინისტროს ტრესტ "საქკოლმშენინდუსტრიის" მმართველი; 1982-1989წწ. ტრესტ "საქკოლმშენკომპლექტის" მმართველი; 1989-1995წწ. იყო ს.ს. "საქსოფლმსენის" სამეთვალყურეო საბჭოს თავმჯდომარე; 1995-1998წწ. ს.ს. "საქსოფლმშენის" გენერალური დირექტორის მოადგილე; იგი აქტიურად მონაწილეობდა ქ. თბილისის საინჟინრო ქსელებისა და ნაგებობების მშენებლობა-რეკონსტრუქციაში, ახალი რაიონების კომუნიკაციებით უზრუნველყოფის საქმეში; ხელმძღვანრლობდა სასოფლო მშენებლობას საქართველოს რეგიონებში; აქტიურად იყო ჩართული რეგიონებში სკოლების, საბავშვო ბაღების, ადმინისტრაციული შენობებისა და სპორტულ გამაჯანსაღებელი ნაგებობების მშენებლობაში; განსაკუთრებით აღსანიშნავია მისი წვლილი რაჭაში მიწისძვრით დაზიანებული შენობების აღდგენა-რეკონსტრუქციის სამუშაოების შესრულებაში 1991-1992 წლებში; დაჯილდოებული იყო სამთავრობო ჯილდოებითა და სიგელებით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 106

• საქართველოს დამსახურებული ინჟინერი