ბეგლარი კახიძე

დაბადების ადგილი: ქ. ბათუმი.

დაამთავრა ქ. მოსკოვის კუიბიშევის სახელობის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი და მიენიჭა ინჟინერ-მშენებლის კვალიფიკაცია 1986 წელს.

1986-1996წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტის" ბათუმის ფილიალში ინჟინერ-კონსტრუქტორად, ჯგუფის ხელმძღვანელად; 1996-1998წწ. იყო აჭარის ა/რესპუბლიკის ურბანიზაციისა და მშენებლობის სამინისტროს საექსპერტო განყოფილების მთავარი სპეციალისტი; 1998-2004წწ. აჭარის ა/რესპუბლიკის იმავე სამინისტროს ტექნიკური დოკუმენტაციის საექსპერტო ბიუროს უფროსი; 2004 წლიდან საპროექტო ორგანიზაცია შპს "კონსტრუქტორი-21"-ს დირექტორია; დიდი წვლილი აქვს შეტანილი ქალაქ ბათუმის კომპლექსური განაშენიანების საქმეში, აგრეთვე მრავალი სამრეწველო და საზოგადოებრივი დანიშნულების ობიექტების პროექტირებასა და მშენებლობაში ავტონომიური რესპუბლიკის მასშტაბით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 145-146

• 2012 - საქართველოს დამსახურებული მშენებელი
  მრავალწლიანი შრომითი საქმიანობისა და დამსახურებისათვის