ვახტანგ კეკელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და სახელმწიფო კომისიის გადაწყვეტილებით მიენიჭა ინჟინერ-მშენებლის კვალიფიკაცია 1965 წელს.

1965-1976წწ. მუშაობდა საქართველოს მშენებლობის სამინისტროს №13 სამშენებლო ტრესტის №7 სამშენებლო სამმართველოში სამუშაოთა მწარმოებლად, შემდეგ იყო უფასო სამუშაოთა მწარმოებელი; 1976-1985წწ. მუშაობდა საქართველოს მშენებლობის სამინისტროს №13 სამშენებლო ტრესტის №7 სამშენებლო სამმართველოს მთავარ ინჟინრად; 1985-1987წწ. იყო საწარმოო გაერთიანება "თბილწყალკანალის" სარემონტო-სამშენებლო სამმართველოს მთავარი ინჟინერი; 1987-1993წწ. მუშაობდა თბილისის საქალაქო საბჭოს აღმასკომის დაქვემდებარებაში არსებული სარემონტო-სამშენებლო ტრესტ "თბილრემმშენის" №8 სარემონტო-სამშენებლო სამმართველოს უფროსად; 1993 წლიდან იყო შპს "თბილმშენი 8"-ს დამფუძნებელი და დირექტორი; მისი მონაწილეობითა და ხელმძღვანელობით განხორციელებული იყო არაერთი საზოგადოებრივი დანიშნულების მნიშვნელოვანი ობიექტის მშენებლობა, მათ შორის: სავაჭრო ცენტრების "ვარკეთილისა" და "გლდანის" მ/რაიონებში, ღვინის კომპანია "სამებას" სათაო ოფისის, კომპანია "ომეგას" სათაო ოფისის, რესტორანი "ძველი თბილისი"-ს, დავით აღმაშენებლის გამზირისა და ლესელიძის ქუჩის რეკონსტრუქცია-რესტავრაციის, შადრევანი სასტუმრო "ივერიის" (ამჟამად "რედისონ ბლუ") წინ, ათეული ათასობით საცხოვრებელი სახლების მ/რაიონებში და სხვა; აქტიურად იყო ჩართული მიწისძვრის შედეგად დაზარალებული რაჭის რეგიონის შენობა-ნაგებობებისა და ინდივიდუალური საცხოვრებელი სახლების გამაგრება-აღდგენითი სამუშაოების შესრულების პროგრამაში; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 146-147