იოსებ ვარძიელი

დაბადების ადგილი: სოფელი ხიზაბავრა, (ახალქალაქის ყოფილი მაზრა) ასპინძის რაიონი.

სწავლობდა ქუთაისის რეალურ სასწავლებელში, მოსკოვის კომერციულ ინსტიტუტში და სტატისტიკის კურსებზე (1924). 1916-1917 წლებში მონაწილეობდა სტუდენტთა პოლიტიკურ გამოსვლებში, ამავე დროს - მოსკოვის ქართულ სათვისტომოსა და პოლკის კომიტეტში, ხოლო 1919-1920 წლებში ახალციხის სათვისტომოში, 1921 წლიდან კი პროფკავშირში. 1922-1924 წლებში იყო თბილისის აღმასკომის სასოფლო-სამეურნეო სტატისტიკის სექციის გამგე. თანამშრომლობდა შემდეგ გამოცემებში: "ერთობა" (1918-1919), "კომუნისტი" (1922-1923), "აღმასკომის მოამბე" (1923-1924), "Заря Востока" (1923) და სხვ. 1920 წელს შეისწავლა კურორტი აბასთუმანი და ამ თემაზე დაწერა მონოგრაფია. 1924 წელს შეადგინა "ტფილისის მაზრის სოციალ-ეკონომიკური ცხოვრების შესწავლა და მათემატიკური სტატისტიკა". სტატისტიკოსი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.152