ლევან თორაძე

დაბადების ადგილი: სოფელი წინანდალი, თელავის რაიონი.

დაამთავრა ბაკურციხის ღვინის წარმოების ტექნიკუმი, პროფესიით აგროტექნიკოსი.

იყო 35-ე პოლკში ოცეულის პოლიტხელმძღვანელი, უმცროსი ლეიტენანტი. 1942 წელს ლევან თორაძე მობილიზაციით გაიწვიეს წითელ არმიის რიგებში, მოსკოვზე გერმანელთა ჯარების შეტევისას ის შეუერთდა არალეგალურ ნაციონალისტურ-მეამბოხე ორგანიზაციას, რომელიც მიზნად ისახავდა შეიარაღებული აჯანყების გზით საბჭოთა ხელისუფლების დამხობასა და საქართველოს დამოუკიდებლობის აღდგენას. ლევან თორაძის "დანაშაულებრივი საქმიანობის" შესწავლის შემდეგ გაირკვა, რომ იგი იყო "ფაშისტურ-კონტრრევოლუციური" არალეგალური ორგანიზაციის აქტიური წევრი და აქტიურად მუშაობდა ცალკეული პირების გადასაბირებლად. ლევან ივანეს ძე თორაძე ცნეს დამნაშავედ, ამიერკავკასიის ფრონტის სამხედრო ტრიბუნალმა 1942 წლის 20 სექტემბერს მიუსაჯა სასჯელის უმაღლესი ზომა – დახვრეტა ქონების კონფისკაციით. (იყო ორგანიზაცია "სამანის" წევრი, საქართველოს აყვავებისათვის მებრძოლი ახალგაზრდა ნაციონალისტები - იატაკქვეშა პატრიოტული ორგანიზაცია მეორე მსოფლიო ომის დროინდელ საბჭოთა საქართველოში, რომელიც მიზნად ისახავდა საბჭოთა რეჟიმის დამხობას შეიარაღებული აჯანყების გზით და საქართველოს სახელმწიფოებრივი დამოუკიდებლობის აღდგენას). რეპრესირებული.

წყარო: XX საუკუნის 40-იანი წლების ეროვნული მოძრაობა : (სამანელები) / ნატა თეთვაძე.-თბ.,2021.-გვ.20 (dl.sangu.edu.ge)