გიორგი ზალიკანიანი

1860 წლიდან ქაშვეთის ეკლესიის გალავანში გახსნილი ჰქონდა  უფასო სახალხო სამრევლო სკოლა, აგროვებდა ძველ ხელნაწერებს, რომელთაგან ბევრი საბუთი "ქართველთა შორის წერა-კითხვის გამავრცელებელ საზოგადოებას" შესწირა. იყო ქართული მწიგნობრობის აღორძინების მოყვარული. გამოსცა დავით გურამიშვილის "დავითიანი" (ტფილისი, 1881 წელი); მიჩნეული იყო იშვიათ მგალობლად, სიმღერა-გალობაში ჰქონდა პირველი ხმა. დიმიტრი არაყიშვილმა მისი დახმარებით ჩაწერა იოანე ოქროპირის ლიტურგია. მგალობელი, გამომცემელი, ქაშვეთის ეკლესიის მედავითნე, ქართული სასულიერო მწიგნობრობის მცოდნე.

წყარო: ქართველ მოღვაწეთა ლექსიკონი, 1801-1952: ტ. II ე-ლ /იოსებ იმედაშვილი.-თბ.,2021.-გვ.187; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.50