ნოდარ კოდუა

დაბადების ადგილი: სოფელი ხუთა, ხობის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკური მშენებლობის სპეციალობით და მიენიჭა ინჟინერ-მშენებლის კვალიფიკაცია 1961 წელს; ასპირანტურა 1967 წელს. 

1961-1964წწ. მუშაობდა საპროექტო ინსტიტუტ "ჰიდროპროექტში" ინჟინერ-დამპროექტებლად; 1964-1970წწ. იყო საქართველოს პოლიტექნიკური ინსტიტუტის ჰიდრავლიკისა და ჰიდროტექნიკური ნაგებობების კათედრის ასისტენტი; 1970-1988წწ. ამავე ინსტიტუტში ეწეოდა სამეცნიერო-პედაგოგიურ მოღვაწეობას პედაგოგ-დოცენტის წოდებით; 1988-2016წწ. მუშაობდა საქართველოს ტექნიკურ უნივერსიტეტში; იყო სამშენებლო ფაკულტეტის პროფესორი; 1999-2009წწ. იყო ჰიდროტექნიკურ ნაგებობათა და ჰიდროენერგეტიკული მშენებლობის მენეჯმენტის კათედრის გამგე; 1989 წელს ქ. მოსკოვის ლომონოსოვის სახელობის უნივერსიტეტში, მიწვევით, კითხულობდა ლექციებს; 2002 წელს იყო საქართველოს ენერგეტიკის მარეგულირებელი კომისიის წევრი; 2004-2005წწ. ქ. თბილისის მერიასთან არსებული ენერგეტიკული სამსახურის უფროსი სპეციალისტი; მისი მონაწილეობითა და თანაავტორობით დაპროექტებულია, საქართველოს ენერგეტიკის სფეროს არაერთი მნიშვნელოვანი ობიექტი. მათ შორის: რუსთავის ჰესი მდ. მტკვარზე - ასპინძის რაიონში, 24 მგვტ. სიმძლავრის ხადორის ჰესი ახმეტის რაიონში; იყო "სანალია-ჩიხურის" ჰიდროელექტროსადგურების ექსპლუატაციაში მიმღები კომისიის ხელმძღვანელი, ასევე აჭარის ავტონომიური რესპუბლიკის ჰიდროენერგეტიკული რესურსების ათვისების პროექტის ავტორი; 2006-2009წწ. იყო საქართველოს ენერგეტიკის სამინისტროს მიერ გამოცხადებული ტენდერის გამარჯვებული, ასევე საქართველოს ელექტროენერგეტიკულ სისტემაში მომუშავე ცხრა ჰესის რეაბილიტაციის პროექტის ავტორი; გამოქვეყნებული აქვს 100-ზე მეტი სამეცნიერო ნაშრომი; 1967 წელს დაიცვა საკანდიდატო დისერტაცია და მოენიჭა ტექნიკურ მეცნიერებათა ტექნიკურ მეცნიერებათა კანდიდატის ხარისხი; 1988 წელს ქ. ლენინგრადის პოლიტექნიკურ ინსტიტუტში დაიცვა სადოქტორო დისერტაცია და მოენიჭა ტექნიკურ მეცნიერებათა დოქტორის ხარისხი.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 160-161

• რუსეთის საბუნებისმეტყველო მეცნიერებათა აკადემია, წევრ-კორესპოდენტი
• საქართველოს საინჟინრო აკადემია, წევრი