მიხეილ იმერლიშვილი

მიხეილ იმერლიშვილი იყო უმაღლესი განათლებით, მობილიზაციამდე მუშაობდა აგრონომად; 1941 წლის 25 აგვისტოდან მსახურობდა წითელი არმიის რიგებში; დადგენილება მიხეილ იმერლიშვილისთვის ბრალის წარდგენის შესახებ დათარიღებულია 1942 წლის 28 თებერვლით; საგამოძიებო საქმის მიხედვით, მიხეილ იასონის ძე იმერლიშვილი 1941 წელს მობილიზაციით წითელი არმიის რიგებში გაიწვიეს მაშინ, როცა გერმანიის ჯარები მოსკოვს უახლოვდებოდნენ. ის ჩაერთო კონტრრევოლუციურ-ნაციონალისტურ სამხედრო-მეამბოხე ორგანიზაციაში, რომლის მიზანი იყო შეიარაღებული აჯანყების გზით ებრძოლათ საბჭოთა ხელისუფლების წინააღმდეგ და აღედგინათ საქართველოს დამოუკიდებლობა. 1942 წლის 20 სექტემბერს ამიერკავკასიის ფრონტის სამხედრო ტრიბუნალმა  მიხეილ იმერლიშვილს მიუსაჯა სასჯელის უმაღლესი ზომა – დახვრეტა ქონების კონფისკაციით. იყო ორგანიზაცია "სამანის" წევრი (საქართველოს აყვავებისათვის მებრძოლი ახალგაზრდა ნაციონალისტები) - იატაკქვეშა პატრიოტული ორგანიზაცია მეორე მსოფლიო ომის დროინდელ საბჭოთა საქართველოში, რომელიც მიზნად ისახავდა საბჭოთა რეჟიმის დამხობას შეიარაღებული აჯანყების გზით და საქართველოს სახელმწიფოებრივი დამოუკიდებლობის აღდგენას. რეპრესირებული. 

წყარო: XX საუკუნის 40-იანი წლების ეროვნული მოძრაობა (სამანელები) / ნატა თეთვაძე .-თბ., 2021.-გვ.62 (dl.sangu.edu.ge)