მიხეილ საბაშვილი

მიხეილ საბაშვილი ჯერ სამედიცინო ინსტიტუტში სწავლობდა, შემდეგ თბილისის სახელმწიფო უნივერსიტეტის ფილოლოგიის ფაკულტეტზე, იყო გაზეთ "ახალგაზრდა კომუნისტის" კორექტორი. 1938 წლიდან იყო თბილისის სახელმწიფო უნივერსიტეტის ანტისაბჭოთა სტუდენტური დაჯგუფების წევრი. ომის დაწყებისას მიხეილ საბაშვილი თავისი ამხანაგის, გიორგი ახობაძის დახმარებით ჩაება არალეგალურ კონტრრევოლუციურ-ფაშისტურ მეამბოხე ორგანიზაციაში, რომელსაც მიზნად ჰქონდა დასახული საქართველოს დამოუკიდებლობის აღდგენა. იგი ესწრებოდა ამ ფორმირების არალეგალურ შეკრებებს, რომლებიც ტარდებოდა ორგანიზაციის ერთ-ერთი ხელმძღვანელის ზურაბ მისაბიშვილის ბინაში. მიხეილ საბაშვილს მიუსაჯეს სასჯელის უმაღლესი ზომა – დახვრეტა ქონების კონფისკაციით. აღნიშნული განაჩენი ამიერკავკასიის ფრონტის სამხედრო ტრიბუნალმა გამოიტანა 1942 წლის 20 სექტემბერს. იყო ორგანიზაცია "სამანის" წევრი (საქართველოს აყვავებისათვის მებრძოლი ახალგაზრდა ნაციონალისტები) - იატაკქვეშა პატრიოტული ორგანიზაცია მეორე მსოფლიო ომის დროინდელ საბჭოთა საქართველოში, რომელიც მიზნად ისახავდა საბჭოთა რეჟიმის დამხობას შეიარაღებული აჯანყების გზით და საქართველოს სახელმწიფოებრივი დამოუკიდებლობის აღდგენას. რეპრესირებული. 

წყარო: XX საუკუნის 40-იანი წლების ეროვნული მოძრაობა (სამანელები) / ნატა თეთვაძე .-თბ., 2021.-გვ.74 (dl.sangu.edu.ge)