ალექსანდრე თავდგირიძე

დაბადების ადგილი: სოფელი ნიქოზი, გორის რაიონი.

სცენაზე პირველად გამოვიდა 1909 წელს, ს. ივანიძის ხელმძღვანელობით დადგმულ სპექტაკლში, ასრულებდა ნიკო ბერდიაშვილის როლს. 1909-1915 წლებში მუშაობდა ავლაბრის სახალხო თეატრში, 1915-1926 წლებში იყო სახალხო სახლის მსახიობი, 1924-1925 წლებში ხელმძღვანელობდა ტრამვაის მუშათა კლუბის დრამწრეს, შესრულებული აქვს შემდეგი როლები: დათო ("ღალატი"), ლევან ხიმშიაშვილი ("სამშობლო"), პერტი ("იმედის" დაღუპვა"), მილოვზოროვი ("უდანაშაულოდ დასჯილნი") და სხვ. კინოში შესრულებული აქვს პოლისმენის როლი ფილმში "ვინ არის დამნაშავე". საზოგადოებრივ-სამეურნეო სამუშაოზე გადასვლის გამო სცენას ჩამოშორდა, იყო საქართველოს კომუნალური მეურნეობის კავშირის თავმჯდომარე. სცენის მოყვარული, სახალხო თეატრის მოღვაწე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.251