გია ნამგალაძე

დაბადების ადგილი: სოფელი კვაცხუთი, ამბროლაურის რაიონი.

დაამთავრა საქართველოს პოლიტექნიკური ინსტიტუტის მანქანათმშენებლობის ფაკულტეტი მანქანათმშენებლობის ტექნოლოგიის სპეციალობით და მიენიჭა ინჟინერ-მექანიკოსის კვალიფიკაცია 1963 წელს.

1959-1963წწ. ინსტიტუტში სწავლის პარალელურად მუშაობდა სამშენებლო-სარემონტო სამმართველოს მუშად, გვირაბგამყვანად, ელექტროზეინკლად; 1963 წელს მუშაობა დაიწყო საქართველოს პოლიტექნიკურ ინსტიტუტში სახელშეკრულებლო თემის ლაბორანტად; 1965 წლიდან იყო №9 კათედრის დარგობრივი ლაბორატორიის უფროსი ლაბორანტი; 1968 წლიდან უმცროსი მეცნიერ-მუშაკი; 1973-1985წწ. არჩეულ იყო საქართველოს პოლიტექნიკური ინსტიტუტის გაერთიანებული პროგრამის თავმჯდომარის მოადგილედ და ქ. თბილისის ლენინის სახელობის რაისაბჭოს აღმასკომის თავმჯდომარის მოადგილედ; 1986 წლიდან მუშაობდა საქართველოს პოლიტექნიკური ინსტიტუტის სამეცნიერო ნაწილის საწარმოში განყოფილების გამგის მოადგილედ; 1994 წლიდან უფროსი მეცნიერ-თანამშრომელი; მინიჭებული აქვს ტექნიკურ მეცნიერებათა კანდიდატის ხარისხი; ავტორია 21 სამეცნიერო ნაშრომის მექანიზმების თეორიასა და მანქანათა ნაწილებში, 1 ნაშრომის ტექნიკის ისტორიაში და 1 გამოგონების.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 208-209

• მექანიზმებისა და მანქანების თეორია : ლაბორატ. სამუშაოები (შემდგენელი). - თბილისი, ტექნ. უნ-ტი, 2014. - 41გვ.. - ISBN: 9789941204661