ნოე თოთიბაძე

დაბადების ადგილი: სოფელ მოდინახე, ოზურგეთის რაიონი.

დაამთავრა ოზურგეთის დაწყებითი სასწავლებელი, შემდეგ სწავლობდა თბილისის საფერშლო სასწავლებელში, საიდანაც გაფიცვაში მონაწილეობის გამო გარიცხეს.

თბილისში ხელმძღვანელობდა არალეგალურ სოციალ-დემოკრატიულ წრეებსა და მიტინგებს; გამოდიოდა სიტყვით, ავრცელებდა რევოლუციურ ლიტერატურას. ნოე თოთიბაძის წინადადებით გამოვიდა ივანე მაჭავარიანის მიერ თარგმნილი ე. ერკმან-შატრიანის "გლეხი კაცის ისტორია" (1910), მან 5000 ცალი გაავრცელა მუშებსა და გლეხებში. რევოლუციური მოღვაწეობის გამო, 1910 წელს მეფის მთავრობამ როსტოვში გადაასახლა. ნოე თოთიბაძე მოხსენიებულია ეგნატე ნინოშვილის მოგონებებში. გადასახლებიდან დაბრუნების შემდეგ, ხელმძღვანელობდა რკინიგზის ლიანდაგებისა და გვირაბების მშენებლობას. რევოლუციონერი, პროპაგანდისტ-აგიტატორი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.308