ოთარ ომიაძე

დაბადების ადგილი: სოფელი იანეთი, სამტრედიის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი, გზათა მიმოსვლის ფაკულტეტი, ინჟინერ-მშენებლის სპეციალობით 1959 წელს.

1959-1967წწ. მუშაობდა თბილისის №3 ღვინის ქარხნის მშენებლობის მშენებელ-ოსტატად, სამუშაოთა მწარმოებლად; 1967-1972წწ. "თბილმშენის" №3 ტრესტის სხვადასხვა სამშენებლო-სამონტაჟო სამმართველოს მთავარ ინჟინრად და უფროსად; 1972-1975წწ. თბილისის "დინამოს" სტადიონისა და თბილისის ენგურჰესის მშენებლობის სამმართველოს საცხოვრებელი სახლების მშენებლობის უბნის უფროსად; 1975 წლიდან იყო "საქჰიდროენერგომშენის" ტრესტის ენგურჰესის მშენებლობის სამოქალაქო და საბინაო სამმართველოს უფროსი; ჰქონდა მიღებული უშუალო მონაწილეობა ქ. თბილისში, ქ. ქუთაისში, ქ. სოხუმსა და სხვა დასახლებებში მრავალი საცხოვრებელი სახლების მშენებლობაში ენგურჰესის მუშა-მოსამსახურეებისათვის. დაჯილდოებული იყო ორდენებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 214

• საქართველოს დამსახურებული ინჟინერი