გია არაბიძე

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის  ენერგეტიკის ფაკულტეტი 1973 წელს.

1972-1973წწ. მუშაობდა რუსთავის მეტალურგიული ქარხნის თბოელექტროცენტრალში ცვლის უფროსად;  1973 წლიდან ეწევა სამეცნიერო-პედაგოგიურ მოღვაწეობას: 1973-1998წწ. საქართველოს ტექნიკური უნივერსიტეტის თეორიული და ზოგადი თბოტექნიკის და თბოენერგეტიკული დანადგარების კათედრაზე ლაბორატორიის გამგედ, ასისტენტად; 1998-2005წწ. ენერგეტიკის ფაკულტეტის დეკანის მოადგილე; 2005 წლიდან ენერგეტიკისა და ტელეკომუნიკაციების ფაკულტეტის დეკანი; თანამშრომლობს სხვადასხვა საერთაშორისო ორგანიზაციებთან, კომპანიებთან და ინვესტორებთან. მისი მონაწილეობით ქ. თბილისში და საქართველოს სხვადასხვა რეგიონებში განხორციელდა ენერგოეფექტურობის საპილოტო პროექტები, დაინერგა ენერგოდამზოგი ტექნოლოგიები საყოფაცხოვრებო, სასწავლო-საგანმანათლებლო, სამედიცინო, კომერციულ და სამრეწველო სექტორებში; მონაწილეობს საერთაშორისო-სამეცნიერო და საერთაშორისო-საგანმანათლებლო პროექტებში, როგორებიცაა ხელშემწყობი გარემოს შექმნა ქვეყანაში ენერგოეფექტური ტექნოლოგიების შემოსატანად და შესაბამისი პროექტების განსახორციელებლად. ტექნიკურ მეცნიერებათა კანდიტატი (1987), ტექნიკურ მეცნიერებათა დოქტორი (2004), დოცენტი (1987), პროფესორი (2004). სერთიფიცირებული ენერგომენეჯერი. 100-ზე მეტი სამეცნიერო შრომის ავტორი, მათ შორის 12 სახელმძღვანელო და 3 მონოგრაფია. 2005 მწელს მიღებული აქვს საქართველოს ენერგეტიკის აკადემიის პრემია სახელმძღვანელოსთვის - "საქვაბე დანადგარები" (ერთობლივი გამარჯვება).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.16-17

• აშშ (ატლანტა)ინჟინერ-ენერგეტიკოსთა ასოციაცია, წევრი
• საქართველოს ენერგეტიკის აკადემია, აკადემიკოსი
• საქართველოს საინჟინრო აკადემია, წევრ-კორესპოდენტი

• 2003 - ღირსების მედალი

• საქართველოს ენერგეტიკოსები = Georgian power engineers : ენციკლოპედია (თანაავტორი). - თბილისი, Flexmedia, 2016. - 490გვ. - ISBN: 9789941084348
• ენერგეტიკა და კლიმატის ცვლილება : სახელმძღვანელო (ავტორი). - თბილისი, ტექ. უნ-ტი, 2015. - 190გვ.. - ISBN: 9789941205262
• ენერგეტიკული უსაფრთხოება : სახელმძღვანელო (ავტორი). - თბილისი, ტექ. უნ-ტი, 2015. - 138. - ISBN: 9789941205323
• ენერგეტიკისა და გარემოს დაცვის საერთაშორისო სამართალი : სახელმძღვანელო (ავტორი). - თბილისი, ტექ. უნ-ტი, 2015. - 254გვ.. - ISBN: 9789941205279
• ენერგეტიკა და საზოგადოება : სახელმძღვანელო (ავტორი). - თბილისი, ტექ. უნ-ტი, 2015. - 126გვ.. - ISBN: 9789941205255
• ენერგომენეჯმენტის პრინციპები = Principles of energy management : სახელმძღვანელო (ავტორი). - თბილისი, ტექ. უნ-ტი, 2011. - 156. - ISBN: 9789941149184
• საქვაბე დანადგარები : სახელმძღვანელო (თანაავტორი). - თბილისი, ტექ. უნ-ტი, 2000. - 391გვ.. - ISBN: 9992878843