გურამ ამყოლაძე

დაბადების ადგილი: სოფელი ცუცხვათი, ტყიბულის რაიონი.

დაამთავრა ქუთაისის სამთო ტექნიკუმი 1960 წელს; საქართველოს პოლიტექნიკური ინსტიტუტი 1976 წელს.

1963-1965წწ. მუშაობდა თბილისის ჰიდროტექნიკურ ნაგებობათა და ენერგეტიკის სამეცნიერო-კვლევით ინსტიტუტში ინჟინრად; 1965-1967წწ. საქართველოს მეცნიერებათა აკადემიის ელექტრონიკის, ავტომატიკისა და ტელემექანიკის ინსტიტუტში უმცროს მეცნიერ-თანამშრომლად; 1967-1971წწ. გეოფიზიკის ინსტიტუტში; 1972-1978წწ. საკავშირო ინსტიტუტ "ენერგოქსელპროექტის" საქართველოს განყოფილებაში ენერგო სისტემის მართვის ავტომატიზირებული სისტემის კვლევისა და დამუშავების განყოფილების უფროსად, პროექტის მთავარ ინჟინრად; 1978 წლიდან ლექციებს კითხულობს საქართველოს პოლიტექნიკურ ინსტიტუტში: 1978 წელს დოცენტი, პროფესორი; 1979-1985წწ. ენერგეტიკის ფაკულტეტის დეკანის მოადგილე; 1991-1991წწ. ენერგეტიკისა და ტრანსპორტის ეკონომიკის, ორგანიზაციისა და მართვის კათედრის გამგე; 1991-1997წწ. ქ. ქუთაისის ჰუმანიტარულ-ეკონომიკური ინსტიტუტის რექტორი. მისი ხელმძღვანელობით პირველად დამუშავდა "საქენერგოს" მართვის ავტომატიზირებული სისტემებისა და გამოთვლითი ცენტრის სქემა-პროექტი, რომელიც ექსპლუატაციაში შევიდა 1976 წელს. გამოქვეყნებული აქვს 75 სამეცნიერო ნაშრომი, 12 სახელმძღვანელო და დამხმარე სახელმძღვანელო.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.14-15

• ორგანიზაციის თეორია და მენეჯმენტის საფუძვლები : სახელმძღვანელო (თანაავტორი). - თბილისი, შპს "ვისტა ჯგუფი", 2011. - 120გვ.. - ISBN: 9789941039546
• ენერგოკომპანიების საქმიანობის ორგანიზაცია და მენეჯმენტი : სახელმძღვანელო (ავტორი). - თბილისი, ტექ. უნ-ტი, 2009. - 246გვ.. - ISBN: 9789941147302
• საერთაშორისო ეკონომიკური ურთიერთობები (ავტორი). - თბილისი, 2000. - 198გვ.
• სამრეწველო საწარმოთა ელექტრომომარაგების ეკონომიკა : დამხმარე სახელმძღვანელო. - თბილისი, სპი-ს სტ., 1987. - 95გვ.