თამაზ სეფერთელაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიზაციისა და გამოთვლითი ტექნიკის ფაკულტეტი 1966 წელს; ჰიდროტექნიკისა და სანტექნიკის ფაკულტეტი და მიენიჭა ინჟინერ-მშენებლის კვალიფიკაცია 1972 წელს.

1972-1974წწ. მუშაობდა ქ. თბილისის კომუნალური სამსახურების გაერთიანების თბომეურნეობის სამმართველოს საიზოლაციო სამსახურის უფროსად; 1976-1978წწ. საქართველოს პროფესიული კავშირების კაპიტალური მშენებლობის სამმართველოს მშენებარე ობიექტების დირექციის დირექტორის მოადგილედ; 1978-1984წწ. იყო მცხეთა-მთიანეთის მხარის საშენ მასალათა გაერთიანების დირექტორი; 1984-1991წწ. რესპუბლიკური გაერთიანება "საქრეკლამის" გენერალური დირექტორი; 1991 წელს დაინიშნა საქართველოს კულტურის მინისტრის მოადგილედ; 1994-1996წწ. იყო საქართველოს საზღვარგარეთთან კულტურული ურთიერთობების საზოგადოების თავმჯდომარის პირველი მოადგილე; 1996-2006წწ. თბილისის საერთაშორისო აეროპორტის სამეთვალყურეო საბჭოს თავმჯდომარე; 2011 წლიდან საქართველოს ტექნიკური უნივერსიტეტის რექტორის მრჩეველია; პროფესიული საქმიანობის პარალელურად მოღვაწეობას ეწეოდა მუსიკალური ხელოვნების სფეროში, ჯერ კიდევ ინსტიტუტში სწავლის პერიოდში მ. თავართქილაძესთან და დ. აბესაძესთან ერთად ჩამოაყალიბა ვოკალური ანსამბლი "ცისფერი ტრიო".

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 230

• 1982 - საქართველოს სახალხო არტისტი
• ლენინის ორდენი