დი ენ ჰოლისკი

დაამთავრა ჩიკაგოს უნივერსიტეტი (აშშ).

იკვლევს ქართველურ (ქართულ, ჭანურ) ენებსა და მთის კავკასიურ (ბაცბურ) ენებს. ამჟამად მუშაობს ვაშინგტონის ჯორჯ მეისონის უნივერსიტეტში. ავტორია მონოგრაფიისა "Aspect and Georgian medial verbs", New York. (ქართული თარგმანი დაიბეჭდა 2000 წელს). გამოკვლევებიდან რომლებიც ქართველურ-კავკასიურ ენებს ეხება, აღსანიშნავია: "სტატიკური ზმნები ქართულსა და სხვაგან", 1978; "ასპექტის თეორია და ქართული ასპექტი", 1981; "გარდაუვალი ზმნის სუბიექტის ბრუნვა წოვათუშურში (ბაცბურში)", 1987; "ლაზური" (სერია: კავკასიის მკვიდრთა ენები), 1991 (ყველა ინგლისურად); გამოცემული აქვს (ე. ქადაგიძესთან ერთად) წოვათუშური ტექსტები. რედაქტორია (კევინ ტუიტთან ერთად) კრებულისა, რომელიც ეძღვნება პროფ. ჰოუარდ ი. არონსონს: Current Trends in Caucasian, East European and Inner Asian Linguistics. Papers in honor of Howard I. Aronson (Edited Dee Ann Holisky, Kevin Tuite). Amsterdam-Philadelphia, 2003. ამერიკელი ენათმეცნიერი, ქართველოლოგი.

წყარო: ქართული ენა: ენციკლოპედია. - თბ. 2008. - გვ.615