თენგიზ სუხიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით და მიენიჭა ინჟინერ-მშენებლის კვალიფიკაცია 1951 წელს.

1951 წელს შრომითი საქმიანობა დაიწყო სსრკ ენერგეტიკისა და ელექტროფიკაციის სამინისტროს დაქვემდებარებაში არსებულ საპროექტო ინსტიტუტ "ჰიდროენერგოპროექტი"-ს თბილისის ფილიალში, პერსპექტიული პროექტირების განყოფილებაში ინჟინერ დამპროექტებლად; 1958 წელს მუშაობდა "ენგურჰესის" მშენებლობის პროექტზე მომუშავე საპროექტო ჯგუფის ხელმძღვანელად; მონაწილეობდა მდ. რიონის ენერგეტიკულად გამოყენების პროექტის შედგენაში, ასევე "ლაჯანურჰესის", "ნამახვანჰესის" და "თბილსრესი"-ს დაპროექტებაში; 1968 წელს დაინიშნა მდ. კოდორის ენერგეტიკულად გამოყენების პროექტის მთავარ ინჟინრად, აღნიშნული პროექტი წარმოდგენილ იქნა განსახილველად შესაბამის ინსტანციებში და მაღალი შეფასება მიიღო; დაჯილდოებულია სსრკ ენერგეტიკისა და ელექტროფიკაციის სამინისტროს "საპატიო სიგელით" და სხვა საუწყებო ჯილდოებით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 237-238