ლაშა ქალდანი

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1995 წელს; ამავე უნივერსიტეტის ასპირანტურა 1999 წელს.

1996-2013წწ. მუშაობდა საქართველოს ურბანიზაციისა და მშენებლობის სამინისტროს სისტემაში მშენებლობის პროექტების, პროექტების ექსპერტიზის და ნაგებობათა აღდგენა-რეკონსტრუციის სამეცნიერო ტექნიკურ ცენტრ (შპს) "მშენაღდგენა"-ში, ექსპერტად, კონსტრუქტორად; 2013-2016წწ. იყო სააქციო საზოგადოება "სპეცმონოლითის" მთავარი კონსტრუქტორი; 2016 წლიდან მუშაობს ქ. თბილისის მუნიციპალიტეტის მერიის ინფრასტრუქტურის განვითარების საქალაქო სამსახურის საპროექტო განყოფილების ინჟინერ-კონსტრუქტორად; მონაწილეობა აქვს მიღებული სამოქალაქო და საზოგადოებრივი დანიშნულების ობიექტების მშენებლობისა და რეკონსტრუქციის პროექტების დამუშავებაში, მათ შორის: ფარმაცევტული ბაზის ადმინისტრაციული შენობის (ვაშლიჯვრის დასახლებაში), წმ. კვირიკესა და ივლიტას სახელობის ტაძართან არსებული სამრევლო სკოლის შენობის, შ. რუსთაველის სახელობის სახელმწიფო აკადემიური დრამატული თაეატრის აღდგენა-გამაგრების სამუშაოების, საქართველოს თეატრისა და კინოს სახელმწიფო უნივერსიტეტის შენობის აღდგენა-გამაგრების სამუშაოების, საქართველოს თეატრისა და კინოს სახელმწიფო უნივერსიტეტის შენობის აღდგენა-გამაგრების სამუშაოების, სასტუმრო "ვეტცელის" რეკონსტრუქციისა და დაშენების, კ. გამსახურდიას სახლ-მუზეუმ "კოლხური კოშკი"-ს რეაბილიტაციის და სხვა; აკადემიკოს მ. ბედიაშვილთან და პროფესორ ა. სოხაძესთან თანაავტორობით დამუშავებული აქვს სამეცნიერო ნაშრომები აქტიურ სეისმურ რაიონებში მშენებლობის განხორციელებისათვის აუცილებლად გასათვალისწინებელ ღონისძიებებზე, რომლებიც უზრუნველყოფენ შენობა-ნაგებობათა მდგრადობის შენარჩუნებას 8 და 9 ბალიანი მიწისძვრის დროს, აგრეთვე ჩვენი ქვეყნის ტერიტორიაზე განლაგებული, ექსპლუატაციაში მყოფი, დეფორმირებული კულტურული მემკვიდრეობის სტატუსის მქონე, საცხოვრებელი, საზოგადოებრივი და საკულტო შენობა-ნაგებობების ავარიულობის გამომწვევი მიზეზების, მათი ტექნიკური მდგრადობის განსაზღვრის, დეფორმაციათა დინამიკის გამოკვლევის, სეისმომედეგობისა და უსაფრთხოების ხარისხის დადგენისა და შეფასების პრინციპებს; წლების განმავლობაში იყო საქართველოს სახელმწიფო ექსპერტიზის მთავარი სამმართველოს ექსპერტი; არის მშენებელ ექსპერტთა საქართველოს ასოციაციის წევრი და მშენებლობის ექსპერტი.

წყარო:საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 248-249