პატრი დონ დიმიტრი თუმანიშვილი

დაბადების ადგილი: ქ. ქუთაისი.

სწავლობდა ქუთაისის გიმნაზიაში, სარატოვის კათოლიკეთა სასწავლებელში; დაამთავრა რომის კათოლიკეთა პროპაგანდის სკოლა.

1873 წელს აკურთხეს პატრად, მალევე აიყვანეს დეკანოზის ხარისხში. საქართველოში დაბრუნებისთანავე შეუდგა მოღვაწეობას ქართველ კათოლიკეთა საკეთილღეოდ - ქადაგებდა ქრისტიანული სარწმუნოების ჭეშმარიტებას, სამშობლოს კეთილდღეობაზე ზრუნვას, ქართულ ენაზე სწავლას და სხვ. ქუთაისში, კათოლიკურ ეკლესიასთან დააარსა სკოლა, რომლის შენობაც თავისი სახსრებით ააგო. შემდეგ ქუთაისიდან ოდესაში გადაიყვანეს საღვთო სჯულის მასწავლებლად, 1879 წელს დაბრუნდა თბილისში. პატრი დონ დიმიტრი თუმანიშვილი დაპირისპირებული იყო იმ კათოლიკე პატრებთან, რომლებიც ანგარების მიზნით და პირადი ინტერესების გამო უარყოფდნენ ქართულ ენაზე ქადაგებასა და სწავლას, რისთვისაც იგი 1887 წელს ისევ ოდესაში გააგზავნეს. მისი თაოსნობით ქართველ კათოლიკეთა მოსწავლეებისათვის გროვდებოდა ფულადი სახსრები, მან შეადგინა ქართული კატეხიზმო, რისთვისაც სომეხი კათოლიკეები დევნიდნენ; საკუთარი ხარჯით რუსულ ენაზე გამოსცა საეკლესიო ლიტერატურა და რელიგიური სახელმძღვანელოები. გარდაიცვალა ოდესაში.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.29-30გვ. (dspace.gela.org.ge

• История римско-католической церкви : Для учеников старш. возраста : В некоторых параграфах сделаны доп. по Булинскому, Дарра, Гольцварту и Велье (რედაქტორი). - Одесса , Изд. Е. П. Распопов, 1899. - 352с.
• Руководство для преподавания римско-католической литургии в средне-учебных заведениях Тираспольской р. к. епархии : Несколько слов об инквизиции (ავტორი). - Одесса, Изд. Е. П. Распопов, тип. А. Шульца, 1899. - 139с.