ვასილი ქუმსიაშვილი

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის ავტომატიკა-ტელემექანიკის ფაკულტეტი და მიენიჭა ინჟინერ-მექანიკოსის კვალიფიკაცია 1991 წელს.

1985-1989წწ. მუშაობდა ქ. თბილისის №86 საბინაო-საექსპლუატაციო უბნის ჯერ მთავარ ინჟინრად, შემდეგ უფროსად; 1989-1991წწ. მუშაობდა შპს "ავტოხიდმშენის" სამუშაოთა მწარმოებლად; 1991-1995წწ. მრავალდარგოვანი ფირმა "ხიდის" დირექტორად; 1996-2002წწ. იყო შპს "ერკოტას" მთავარი ინჟინერი; 2003-2011წწ. სამშენებლო კომპანია "მოდულის" მთავარი ინჟინერი, დირექტორის მოადგილე და დირექტორი; 2012 წლიდან მუშაობს სამშენებლო კომპანია "ანაგის" ზონალური სამშენებლო წარმოების ხელმძღვანელად (მშენებლობის უფროსად); მისი უშუალო მონაწილეობითა და ხელმძღვანელობით სამშენებლო კომპანია "ანაგში" მუშაობის პერიოდში აშენდა ისეთი მნიშვნელოვანი ობიექტები, როგორებიცაა: მრავალფუნქციური კომპლექსი გ. კარტოზიას ქუჩაზე, 12-სართულიანი საცხოვრებელი სახლი ლისის ტბის მიმდებარე ტერიტორიაზე, მრავალფუნქციური კომპლექსი თამარაშვილის ქუჩაზე ქ. თბილისში და სხვა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 255