ოთარ ყუბანეიშვილი

დაბადების ადგილი: სოფელი ჩხარი, თერჯოლის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი და მიენიჭა რკინიგზების მშენებელი ინჟინრის კვალიფიკაცია 1960 წელს; ამავე ინსტიტუტის ასპირანტურა.

უმაღლესი სასწავლებლის დამთავრების შემდეგ მუშაობდა საბჭოთა კავშირის სატრანსპორტო მშენებლობის სამინისტროს სამშენებლო-სამონტაჟო ტრესტ "ამიერკავკასტრანსმშენის" სისტემაში კაზრეთის სარკინიგზო ხაზის მშენებლობაზე ინჟინრად; 1964-1970წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტში" ინჟინერ კონსტრუქტორად; 1970-1976წწ. მუშაობდა თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტში უფროსი მეცნიერ-მუშაკის თანამდებობაზე; სემდეგ პერიოდში მუშაობდა საბჭოთა კავშირის მშენებლობის სამინისტროს საკონსტრუქტორო-ტექნოლოგიურ ინსტიტუტში მთავარ სპეციალისტად; იყო საქართველოს სსრ მშენებლობის საქმეთა სახელმწიფო კომიტეტის - "საქსახმშენის" საშენი მასალებისა და მშენინდუსტრიის პერსპექტიული განვითარების ცენტრის განყოფილების გამგე და კომიტეტის კოლეგიის წევრი; მშენებლობის სფეროს სახელმწიფო ორგანოებში მუშაობის პარალელურად ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში, შემდეგ ტექნიკურ უნივერსიტეტში მშენებლობის ეკონომიკის კათედრაზე; მონაწილეობდა სამეცნიერო კვლევებში; იყო გამოგონებების ავტორი; მრავალწლიანი პროფესიული სრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები; დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი 1975 წელს.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 264-265