ამირან შენგელია

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით და მიენიჭა ინჟინერ-მშენებლის კვალიფიკაცია 1946 წელს.

1946-1990წწ. მუშაობდა საქართველოს წყალთა მეურნეობის სამინისტროს დაქვემდებარებაში არსებულ საპროექტო ინსტიტუტ "საქწყალპროექტში "ინჟინრად, უფროს ინჟინრად, ჯგუფის ხელმძღვანელად, პროექტის მთავარ ინჟინრად, განყოფილების გამგედ; მისი უშუალო მონაწილეობითა და ხელმძღვანელობით საპროექტო ინსტიტუტ "საქწყალპროექტში" მუშაობის პერიოდში დამუშავებულ იქნა საქართველოს სოფლის მეურნეობის სისტემისათვის მრავალი სარწყავ-საირიგაციო კომპლექსებისა და სხვა ჰიდროტექნიკური ნაგებობების მშენებლობის პროექტები; ასევე რაიონული დაქვემდებარების ქალაქებისა და სოფლების წყალმომარაგების ქსელების პროექტები საქართველოს სხვადასხვა რეგიონებში; დიდი წვლილი აქვს შეტანილი საქართველოს წყლის რესურსების ეფექტიანად გამოყენების რეგიონული საქმეების შედგენაში; იყო ავტორი არაერთი ნოვაციური წინადადების წყალმომარეგების ობიექტების პროექტების დამუშავების საკითხებში და მათი პრაქტიკულად განხორციელების პროცესში; მრავალწლიანი წარმატებული შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 269-270

• საქართველოს დამსახურებული ინჟინერი