მურად შუბითიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1976 წელს.

1976-1978წწ. მუშაობდა სამშენებლო ტრესტ "ულიანოვსკსოფლმშენი"-ს №730 მოძრავ-მექანიზებულ კოლონაში, ჯერ ოსტატად, შემდეგ სამუშაოთა მწარმოებლად; 1978-1982წწ. საქართველოს მშენებლობის სამინისტროს №10 სამშენებლო ტრესტ "მაღლივმშენის" №2 სამშენებლო სამმართველოს მშენებელ ოსტატად, სამუშაოთა მწარმოებლად; 1982-1995წწ. საქართველოს საყოფაცხოვრებო მომსახურების სამინისტროს საწარმოო გაერთიანება "თბილავტოტექმომსახურების" დირექტორის მოაედგილედ მშენებლობის განხრით; 1996-2006წწ. საქართველოს თავდაცვის სამინისტროს სისტემაში სხვადასხვა თანამდებობებზე; 2006 წლიდან მუშაობს შპს "ი.მ.კ."-ში სამუშაოთა მწარმოებლად, უფროს სამუშაოთა მწარმოებლად (უბნის უფროსად); მისი მონაწილეობითა და ხელმძღვანელობით აშენებულ იქნა არაერთი მაღლივი 16 სართულიანი საცხოვრებელი სახლი ქ. თბილისის მიკრორაიონებში, ასევე სამრეწველო და საყოფაცხოვრებო დანიშნულების ობიექტები, ოპტიკურ-ბოჭკოვანი კავშირგაბმულობის კომპანია "მაგთის" ოფისი და კლუბი, ქართული სახვითი ხელოვნების მუზეუმის კომპლექსი რუსთაველის გამზირზე ქ. თბილისში და სხვა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 274