მუშნი ხაშბა

დაბადების ადგილი: სოფელი პოკვე, სოხუმის მაზრა.

დაამთავრა პოკვეშის სამრევლო-საეკლესიო სკოლა 1915 წელს; ოჩამჩირის უმაღლეს-დაწყებითი სასწავლებელი - 1918 წელს; სოხუმის სამასწავლებლო სემინარია (შემდგომში პედაგოგიური ტექნიკუმი) 1924 წელს; მოსკოვის ჟურნალისტიკის ინსტიტუტი 1927 წელს.

სემინარიაში სწავლის დროს აქტიურად მონაწილეობდა ლიტერატურული წრის მუშაობაში, რომელიც გამოსცემდა ხელნაწერ ჟურნალს "დილის ვარსკვლავი". 1919-1920წწ. ჟურნალ "აპსნიში" იბეჭდებოდა მისი პირველი ლექსები. ამავე გაზეთში იბეჭდებოდა მისი სტატიები და მოთხრობები. 1923-1924, 1932-1945წწ. მუშაობდა გაზეთ "აფსნი კაპშ"-ის რედაქტორად; 1927-1932წწ. რედაქტორის მოადგილედ; 1955-1956წწ. იყო ჟურნალ "ალაშარა"-ს რედაქტორი; 1957-1975წწ. ჟურნალ "ამცაბზ"-ის რედაქტორი. იყო მთელი რიგი ლიტერატურული ჟურნალების გამოცემის ინიციატორი. დიდი ღვაწლი მიუძღვის აფხაზური გამომცემლობის მატერიალურ-ტექნიკური ბაზის გაძლიერებაში და მისი პოლიგრაფიული ბაზის მოდერნიზაციაში. 1938 წელს აირჩიეს აფხაზეთის ასსრ უმაღლესი საბჭოს პრეზიდიუმის მდივნად. იყო აფხაზეთის საოლქო კომიტეტისა და სოხუმის საქალაქო კომიტეტის წევრი. პროზაიკოსი, სახელმწიფო და საზოგადო მოღვაწე.

წყარო: მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.141-145; აფხაზეთის მწერალთა კავშირი: spapsny.org

• საქათველოს საბჭოთა მწერლების კავშირი, წევრი (1945-)

• 1968 - საქართველოს კულტურის დამსახურებული მუშაკი
• მედალი "შრომითი მამაცობისთვის"
• მედალი "კავკასიის დაცვისთვის"
• საპატიო ნიშნის ორდენი

• ალო! : მოთხრობა (ავტორი). - სოხუმი, ალაშარა, 1985. - 32გვ.
• მაქითათის ნაამბობი : მოთხრობები (ავტორი). - თბილისი, ნაკადული, 1968. - 90გვ.
• აფხაზეთის ასსრ ადმინისტრაციულ-ტერიტორიული დაყოფა (რედაქტორი). - სოხუმი, აფხაზეთის ასსრ სახელგამი, 1953. - 39გვ.