გივი ოშაყმაშვილი

დაბადების ადგილი: სოფელი მარტყოფი, გარდაბნის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტის სრული კურსი არქიტექტორის სპეციალობით 1960 წელს.

1960 წლიდან მუშაობა დაიწყო სახელმწიფო საპროექტო ინსტიტუტში "საქქალაქმშენსახპროექტის" N1 სახელსნოში არქიტექტორად; 1968 წლიდან მოღვაწეობდა პროექტის მთავარი არქიტექტორის რანგში და იყო ლაურეატი შიდა საინსტიტუტო, რესპუბლიკური და საკავშირო კონკურსებისა; მის მიერ დამუშავებულია მთელი რიგი საცხოვრებელი სახლებისა, როგორც სერიული ასევე ინდივიდუალური მშენებლობისთვის, კერძოდ: "არმაზი-77", "არმაზი-80",  5-9 სართულიანი მსხვილპანელოვანი სახლები, ერთბინიანი კერძო სახლები მთასა და ბარში რთულსა და სწორ რელიეფებზე; საცხოვრებელი სახლები: ხაშურში, კასპში, თელავში, გორში, ყვარელში, ცხინვალში, გურჯაანში; სკოლები და საბავშვო-ბაღბი: ქვაბისხევში, ზერტში, გომში, ურბნისში. გარდა საცხოვრებელი სახლებისა იგი ავტორია: სსრ ჯანმრთელობის დაცვის სამინისტროს საინფორმაციო გამოთვლითი ცენტრის შენობისა (1975), დაბა ანდეზიტის განაშენიანების პროექტისა (1975, I პრემია), თბილისის ბავშვთა მრავალპროფილიანი საავადმყოფო 300 საწოლზე (1978), ქ. სიღნაღის კავშირგაბმულობის რაიონული კვანძის შენობისა (1977), შუშის საწყობი თბილისში, სახალხო სასამართლოს ადმინისტრაციული შენობა ცხინვალში, ყვარელში, ლაგოდეხში; ფიზიოლოგიის ინსტიტუტის ვივარიუმის დაშენება თბილისში, ექსპერიმენტალური ლაბორატორია (მეღვინეობის ინსტიტუტის) თბილისში, თსუ-ს მე-5 კორპუსის მიშენება და ახალი უნივერსიტეტის შიდა ეზოს კეთილმოწყობა თბილისში, საგარეჯოს მისასვლელი გზის კეთილმოწყობა, კარ-ფანჯრების კატალოგის შედგენა, ტექნიკური პროექტის ეტალონის დამუშავება, ხის ნაკეთობათა რესპუბლიკური კატალოგი და სხვა. ახალი ტიპის საცხოვრებელი სახლების პროექტისთვის (ურიგელო კარკასული კონსტრუქციების გამოყენებით) მიღებული აქვს რესპუბლიკური ღია კონკურსის I-II პრემია; ასევე დაჯილდოებულია მრავალგზის შრომითი წარმატებებისათვის.

• საქართველოს არქიტექტორთა კავშირი, წევრი