იაკარი ბიჯამოვი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ელექტრიკოსის კვალიფიკაციით და ასპირანტურა 1976 წელს.

1973 წელს მუშაობა დაიწყო საქართველოს ენერგეტიკისა და ენერგეტიკულ ნაგებობათა სამეცნიერო-კვლევით ინსტიტუტში ინჟინრად, უფროს და წამყვან მეცნიერ თანამშრომლად, განყოფილების გამგედ. სამეცნიერო მოღვაწეობის ძირითადი მიმართულებებია: ელექტრულ მანქანებში ელექტრომაგნიტური პროცესების გამოკვლევა, ელექტროსადგურებისა და ელექტრო ქსელების ძირითადი ელექტრომოწყობილობების პარამეტრბის გაანგარიშება და დაპროექტება, ელექტრული და თბური გამოცდები, მათი აუდიტორული შემოწმება, მონიტორინგი. ხელმძღვანელობდა და უშუალო მონაწილეობას იღებდა საიანო-შუშინსკოეს ჰესის ჰიდროგენერატორების გამოკვლევასა და მათი არასიმეტრიული მუშაობის დანერგვაში, საიანო-შუშინსკოეს უსტ-იალიმსკაი ჰესების გენერატორების გამოცდებში, მრავალ აგრეგატიანი ჰესების არასიმეტრიულ რეჟიმებში მუშაობის ინსტრუქციის შემუშავებაში, ჰიდროგენერატორების როტორების პარამეტრების გამოკვლევაში, საქართველოს ენერგოსისტემაში მომუშავე გენერატორების თბური რეჟიმების გამოკვლევაში და მათი სიმძლავრეების გაზრდაში. ივ. ჯავახიშვილის სახელობის სახელმწიფო უნივერსიტეტის ელექტრული და ელერქტრონული ინჟინერიის დეპარტამენტის მიწვეული ლექტორი. ტექნიკის მეცნიერებათა დოქტორი, პროფესორი. 1985 წელს მიღებული აქვს "სსრკ გამომგონებლის" საპატიო წოდება. არის 60 სამეცნიერო ნაშრომის ავტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 44-45

• საქართველოს ენერგეტიკის აკადემია, აკადემიკოსი

• ღირსების მედალი