თენგიზ ჭანჭალეიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1949 წელს.

1949-1956წწ. მუშაობდა ქ. რუსთავის მეტალურგიული ქარხნის ტექნიკური განყოფილების უფროსად; 1956 წლიდან მუშაობდა თბილისის საქალაქო საბჭოს აღმასკომის დაქვემდებარებაში არსებული სახელმწიფო საპროექტო ინსტიტუტ "თბილქალაქპროექტი"-ს VII არქიტექტურული სახელოსნოს მთავარ კონსტრუქტორად; მისი უშუალო მონაწილეობით დამუშავებულ იქნა მრავალი საცხოვრებელი, კულტურულ-საგანმანათლებლო და საზოგადოებრივი დანიშნულების მნიშვნელოვანი ობიექტის მშენებლობის პროექტი; მათ შორის: სასტუმროების "ივერიის" და "აჭარის", სპორტის სასახლის ქ. თბილისში, სავაჭრო-საზოგადოებრივი ცენტრების ლილოში და ნუცუბიძის საცხოვრებელ მიკრორაიონში, სპორტული სკოლის ქ. თბილისის საქარხნო რაიონში, გამარჯვების მემორიალის ქ. ქუთაისში, ქ. თბილისის დიდი დიღმის II და III საცხოვრებელი მიკრორაიონების და სხვა; მრავალწლიანი ნაყოფიერი შრომითი საქმიანობისა და დამსახურებისათვის დაჯილდოებულიასაქართველოს სსრ უმაღლესი საბჭოს პრეზიდიუმის "საპატიო სიგელით"; სსრკ კავშირის მინისტრთა საბჭოს პრემიით სასტუმრო "ივერიის " პროექტისათვის (1982); საქართველოს სსრ მინისტრთა საბჭოს პრემიით "ხუთწლედის მატიანე" სასტუმრო "აჭარის" პროექტისათვის (1980).

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 310-311

• 1977 - სსრკ სახალხო მეურნეობის მიღწევათა გამოფენა (ВДНХ) (ბრინჯაოს მედალი)
• მედალი "შრომითი წარჩინებისთვის"