ნოდარ გავაშელი

დაბადების ადგილი: ონის რაიონი.

დაამთავრა საქართველოს პოლიტექნიკური ინსტიტუტის ავტომატიკა-გამოთვლითი ტექნიკის ფაკულტეტი ინჟინერ-ელექტრიკოსის კვალიფიკაციით 1977 წელს.

1978-1983წწ. მუშაობდა სსრკ-ს 50 წლისთავის საწარმოო გაერთიანების (რადიოქარხანა) საამწყობო საამქროში ჯერ ინჟინრის, ოსტატის, უფროსი ოსტატის, ხოლო შემდეგ საამქროს უფროსის მოადგილის თანამდებობაზე; 1983-1989წწ. სხვადასხვა დროს მუშაობდა თბილისის საქალაქო საბჭოს აღმასკომის მრეწველობისა და ტრანსპორტის განყოფილებაში-უფროსი ინჟინერ-ეკონომისტის, განყოფილების უფროსის თანამდებობებზე; 1989-1999წწ. საქენერგოს ტრესტ "საქსოფლელექტრომონტაჟის" სამონტაჟო გაწყობის სამმართველოს საწარმოო-ტექნიკური განყოფილების  უფროსი; 1999-2013წწ. ს/ს "ენერგოსერვისის" ტექნიკური დირექტორი; 2013 წლიდან საქართელოს სახელმწიფო ელექტრო სისტემაში ტრანსფორმატორების სარემონტო სამსახურის უფროსი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 62-63