გურამ გახარია

დაბადების ადგილი: ჩხოროწყუს რაიონი.

დაამთავრა საქართველოს პოლიტექნიკური ინსტიტუტი 1975 წელს.

1983-1994წწ. იყო ენგურჰესისის კაშხალმშენის სამმართველოს უბნის უფროსი, მთავარი ინჟინრის მოადგილე; 1994-2006წწ. ენგურჰესის უნიკალური თაღოვანი კაშხლის დირექციის მთავარი ინჟინერი; 1997 წელს ენგურჰესის სადერივაციო გვირაბისა და წყალმიმღები ნაგებობების სარემონტო-აღდგენითი სამუშაოების ჩატარებისას მისი თაოსნობით მოკლე დროში მოხერხდა აუცილებელი და გადაუდებელი სამუშაოების შესრულება, დადგინდა შემდგომში შესასრულებელი სამუშაოების ნუსხა. იმ პერიოდში გაწეული კეთილსინდისიერი და დაუღალავი მუშაობისთვის მას გამოეცხადა მადლობა. აღსანიშნავია მისი წვლილი უცხოელებთან ერთად 2006 წელს განხორციელებული მასშტაბური სარეაბილიტაციო სამუშაოების საპროექტო გადაწყვეტილებების მიღებაში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 65