ოთარ გოგიჩაძე

დაბადების ადგილი: ტყიბულის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-ჰიდროტექნიკისის კვალიფიკაციით 1948 წელს.

1948-1951წწ. მონაწილეობდა ქ. სევასტოპოლის ზღვის ჰიდროტექნიკური ნაგებობების აღდგენა-რეკონსტრუქციის სამუშაოებში; 1954 წლიდან მუშაობდა ინსტიტნტუტ  "თბილჰიდროპროექტ"-ში; 1969 წელს დაინიშნა წყალთა მეურნეობის, ენერგეტიკისა და ჰიდრომექანიკის განყოფილების უფროსად. უშუალოდ მონაწილეობდა ხრამჰეს-2-ის, სიონჰესის, დარიალჰესის, ჟინვალის კომპლექსური ჰიდროკვანძის, ნახვანჰესის კასკადის, ენგურჰესის, ხუდონჰესის, ვარციხეჰესების დაგეგმარებაში, წყლით მომარაგების საკითხებში; მდინარეების ცხენისწყლის, ენგურის, ალაზნის, კოდორის, ბზიფის ენერგეტიკული და კომპლექსური გამოყენების სქემების შემუშავებაში. გამოქვეყნებული აქვს 20 სამეცნიერო-ტექნიკური ხასიათის სტატია. 1978 წელს ენგურჰესის  პროექტის განხორციელებაში აქტიური მონაწილეობისთვის დაჯილდოვდა საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.83-84

• საქართველოს დამსახურებული ინჟინერი