ყაზარ კარაპეტიანი

დაბადების ადგილი: ქ. თბილისი.

დაამთავრა სომხური სამრევლო სკოლა.

მუშაობდა ცნობილი მწიგნობარ-მოვაჭრის, ზაქარია გრიქუროვის წიგნთ-სავაჭროში, სადაც შეისწავლა ქართული და რუსული ენები და შეუდგა მთარგმნელობით საქმიანობას. ქართულიდან სომხურად თარგმნა ეგნატე ნინოშვილის "განკარგულება" (გამოსცა სარგის იაგორიანმა ავტორის მოკლე ბიოგრაფიით და სურათით, 1903 წელს), სომხურიდან ქართულად თარგმნა ავ. აჰრონიანის "მთებში" (გამოსცა იოსებ იმედაშვილმა 1904 წელს). 1910 წელს, ქართული დრამატული საზოგადოებისათვის სომხურიდან თარგმნა პიესები: შირვანზადეს "ნამუსისათვის" და "ევგინე", ფავაზიანის "კლდე", რომელიც წარმოდგენილ იქნა ქართულ სახლში, ხოლო ქართულიდან თარგმნა ტრ. რამიშვილის "ექიმი აშირბაჯიანი" (დაიდგა სახალხო სახლში 1912 წლის 1 მაისს). თარგმნილ ლიტერატურას ხშირად თავისი ხარჯით გამოსცემდა, მთარგმნელობითი მოღვაწეობის გარდა პრესაში აქვეყნებდა წერილებს მწერლობისა და ხელოვნების შესახებ.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.552

• ლურჯი პერანგი და დარაჯი : მოთხრობები (მთარგმნელი). - თფილისი, შუამავალის გამოცემა N4, 1907 (სტ. "ნადეჟდა"), 1907. - 16გვ.
• დაკარგული სიმართლე : ჩინური ლეგენდა (მთარგმნელი). - თფილისი, შუამავალი-ს გამოცემა N2, (ლამპარი), 1906. - 8გვ.
• მთებში : სურათი (მთარგმნელი). - თბილისი, იოსებ იმედაშვილის გამოცემა N26,(თავ. გრ. ნ. დიასამიძის სტ.), 1904. - 16გვ.