ნომადი ბართაია

დაბადების ადგილი: სოფელი ლეხაინდრაო, მარტვილის რაიონი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი ირანული ფილოლოგიის განხრით 1966 წელს.

1966-2019 წწ. როგორც ირანისტი მუშაობდა თბილისის სახელმწიფო უნივერსიტეტის ირანისტიკის კათედრაზე, სადაც გაიარა თანამდებობები (ლაბორანტი, ასისტენტი, დოცენტი, ასოცირებული პროფესორი) კათედრის გამგეობამდე (2014-2019 წწ.); სხვადასხვა დროს მუშაობდა სულხან-საბა ორბელიანის სახელობის სახელმწიფო პედაგოგიურ უნივერსიტეტში ირანული ფილოლოგიის კათედრის გამგედ; აკაკი წერეთლის სახელმწიფო უნივერსიტეტში 1995 წლიდან ჯერ სპარსული ენის ლექტორად, მერე ირანული ფილოლოგიის კათედრის გამგედ; ამჟამად, როგორც პროფესორი, აგრძელებს მუშაობას აკაკი წერეთლის სახელობის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლური ფილოლოგიის დეპარტამენტისა და ირანისტიკის განყოფილების ხელმძღვანელად; 1970-1971 წლებში, ერთი წლით, სსრკ განათლების სამინისტროს მიერ მივლინებული იყო ისპაჰანის სამშენებლო ცენტრში სპარსული ენის თარჯიმნად; სპარსულ ენასა და ლიტერტურაში, სხვადასხვა ვადით, კვალიფიკაცია ამაღლებული აქვს ირანის ისლამური რესპუბლიკის – ისპაჰანის (1976), ურმიის (1997), თეირანის თარბიათე მოდარესის (დოქტორანტთა) და გილანის (2001) უნივერსიტეტებში. 1991 წელს იყო საქართველოს მწერალთა კავშირის ალმანახ "ენგურის" მთავარი რედაქტორი; 2011 წლიდან არის ირანის ისლამური რესპუბლიკის კულტურის განყოფილების ქართულ-სპარსულენოვან პოპულარულ ჟურნალ "კალამის" მთავარი რედაქტორი. მიღებული აქვს ირანის ისლამური რესპუბლიკის კულტურული და ისლამური კავშირების ორგანიზაციის საპატიო სიგელი (2001), ირანის ისლამური რესპუბლიკის საელჩოს საპატიო სიგელი (2006), თანამედროვე ირანელი პოეტის შაჰრიარის კულტურის საერთაშორისო მედალი (2016). არის ასამდე სამეცნიერო ნაშრომისა და მრავალი პოპულარული წერილის ავტორი. ირანისტი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 49-50

• საქართველოს მწერალთა კავშირი, წევრი
• საქართველოს ჟურნალისტთა კავშირი, წევრი

• 2020 - ილია ჭავჭავაძის სახელობის პრემია
• 2019 - სოფელ ლეხაინდრაოს საპატიო მოქალაქე
• 2019 - ქართული კულტურის დესპანის წოდება
• 2019 - ლიტერატურული პრემია "ქუჯი"
• 2016 - მარტვილის საპატიო მოქალაქე
• 2014 - აკაკი წერეთლის სახელობის პრემია (პოეზია)
• 2014 - ლიტერატურული პრემია "ჭადრის ოქროსფერი ფოთოლი"
• 2009 - ივანე მაჩაბლის სახელობის პრემია (თარგმანი)

• სპარსულიდან შემოსულ აღმოსავლურ თემატურ ნასესხობათა შესახებ ქართულში (ავტორი). - თბილისი, 2021
• სახელი მაინც ვიცოდე მისი : მინიმები (ავტორი). - თბილისი, უნივერსალი, 2020. - 74გვ.. - ISBN: 9789941267178
• საქართველო და ირანი, კულტურული ურთიერთობანი გრძელდება (ავტორი). - თბილისი, 2019
• მე ისიც მიყვარს, მინახავს ვინც არ : 101 ლექსი (ავტორი). - თბილისი, უნივერსალი, 2019. - 122გვ.. - ISBN: 9789941264856
• მხიარული ავტობიოგრაფიული ჩანახატები : მოგონებები (ავტორი). - თბილისი, ინტელექტი, 2018. - 212გვ.. - ISBN: 9789941476082
• ბატონი მაგალი : აღმოსავლეთმცოდნე და მთარგმნელი მაგალი თოდუა (ავტორი). - თბილისი, აკაკი წერეთლის სახელმწ. უნ-ტის გამ-ბა, 2018. - 118გვ.. - ISBN: 9789994052455
• საქართველო და ირანი : კულტურული ურთიერთობანი გრძელდება, 2013-2017 : მოგონებები (ავტორი). - თბილისი, უნივერსალი, 2018. - 238გვ.. - ISBN: 9789941262333
• ლირიკა : ერთტომეული (ავტორი). - თბილისი, უნივერსალი, 2014. - 462გვ.. - ISBN: 9789941223020
• საქართველო და ირანი : კულტურულ-მეცნიერულ ურთიერთობათა უპრეცედენტო 20 წელი (ავტორი). - თბილისი, უნივერსალი, 2013. - 252გვ.. - ISBN: 9789941179235
• რა საამოა დღეს შენი სახე : სპარსელი ლირიკოსებისპარსელი ლირიკოსები / სპარს. თარგმნა ნომადი ბართაიამ (მთარგმნელი). - თბილისი, საბჭ. საქართველო, 1987. - 85გვ.
• დავით აღმაშენებლის უცნობი დამსახურების შესახებ ქართველი ერის წინაშე (ავტორი) // ანეული : ლიტერატურული ჟურნალი.- თბილისი, 2019.- N 3.- გვ. 20-25. - თბილისი